නව Jobs and Skills Australia අධ්යයනයකට අනුව ජාත්යන්තර සිසුන්ගෙන් සියයට 35ත් 40ත් අතර පිරිසක් වසර දහයක් ඇතුළත ඔස්ට්රේලියාවේ ස්ථිර පදිංචිය ලබාගෙන තිබෙනවා.
මෙම අධ්යයනය සඳහා 2010–11 වසරවල අධ්යාපනය ආරම්භ කළ ජාත්යන්තර සිසුන්ගේ ගමන්මඟ 2023 වසර දක්වා පරීක්ෂා කර තිබෙනවා.
උසස් අධ්යාපන සහ වෘත්තීය පුහුණු පාඨමාලා සම්පූර්ණ කළ සිසුන් අතර ස්ථිර පදිංචිය ලබාගැනීමේ ප්රතිශතය සාපේක්ෂව ඉහළ බවයි වාර්තාව පෙන්වා දෙන්නේ.
කෙසේවෙතත්, සුදුසුකම් ලැබූ ජාත්යන්තර උපාධිධාරීන්ගෙන් සියයට 50කට වැඩි පිරිසක් තම අධ්යාපන මට්ටමට වඩා පහළ රැකියාවල හෝ හැදෑරූ ක්ෂේත්රයට සම්බන්ධ නොවන රැකියාවල නිරත වෙනවා.
ඔස්ට්රේලියානු උපාධිධාරීන් අතර එම ප්රතිශතය සියයට 20ත් 30ත් අතර පවතින බවද අධ්යයනය හෙළිකර තිබෙනවා.
ඉංග්රීසි භාෂා දක්ෂතාව, දේශීය රැකියා පළපුරුද්ද නොමැතිවීම, වීසා සම්බන්ධ අවිනිශ්චිතතාව සහ බඳවාගැනීමේදී පවතින පක්ෂපාතීත්වය ප්රධාන බාධක ලෙස හඳුනාගෙන තිබෙනවා.
2023–24 කාලයේදී ජාත්යන්තර අධ්යාපනය ඔස්ට්රේලියානු ආර්ථිකයට ඩොලර් බිලියන 50කට වැඩි දායකත්වයක් ලබාදී තිබුණද, සිසුන්ගේ කුසලතාවලට ගැළපෙන රැකියා ලබාදීම තවමත් ප්රධාන අභියෝගයක්ව පවතිනවා.
