ඔස්ට්රේලියානු ලේබර් රජය මගින් ලබාගන්නා වාර්ෂික සරණාගත සංඛ්යාව තුනෙන් එකකින් අඩු කිරීමට (20,000 සිට 13,750 දක්වා) සැලසුම් කර ඇති බවට පළවන වාර්තා හමුවේ පක්ෂ අභ්යන්තරයේ දැඩි මතභේදාත්මක තත්ත්වයක් හටගෙන තිබෙනවා.
2023 දී සරණාගත කෝටාව 20,000 දක්වා ඉහළ නැංවූයේ වසර හතරක කාලයකට පමණක් වන අතර එය තාවකාලික පියවරක් වූ බවයි ස්වදේශ කටයුතු අමාත්ය ටෝනි බර්ක්ගේ කාර්යාලය ප්රකාශ කරන්නේ.
කෙසේ වෙතත්, ලේබර් පක්ෂයේ පාර්ලිමේන්තු මන්ත්රීවරුන් කිහිපදෙනෙකුම එම ප්රකාශය ප්රතික්ෂේප කරමින් කියා සිටියේ මෙය පක්ෂ සම්මේලන තීරණවලට පටහැනි දැඩි පාවාදීමක් බවයි.
මේ අතර පුවත්පත්වල පළවන සියලු දේ විශ්වාස නොකරන ලෙස ද, රජය මෙතෙක් අවසාන තීරණයක් ගෙන නොමැති බව ද මේ සම්බන්ධයෙන් Dubboහිදී අදහස් දැක්වූ අග්රාමාත්ය ඇන්තනි ඇල්බනීසි සඳහන් කළා.
කෙසේ වෙතත්, සංක්රමණිකයන්ගේ පැමිණීම පාලනය කිරීම සඳහා රජය මෙම තීරණයට එළඹීමට සූදානම් වන බවට චෝදනා එල්ල වනවා.
මේ අතර ඔස්ට්රේලියානු සරණාගත කවුන්සිලය (Refugee Council of Australia) සහ Asylum Seeker Resource Centre ආයතන පෙන්වා දෙන්නේ සරණාගත කෝටාව 6,250කින් කැපීම මගින් සමස්ත සංක්රමණික සංඛ්යාවට විශාල බලපෑමක් නොවන අතර, මෙය දේශපාලනික බිය හේතුවෙන් ගත් තීරණයක් බවයි.
