ඔස්ට්රේලියාවේ දෙවන විශාලතම සුපිරි වෙළඳසැල් ජාලය වන Colesහි ප්රධාන විධායක නිලධාරිනී Leah Weckertගේ වාර්ෂික ප්රසාද දීමනාවලින් ඩොලර් 4,14,000ක මුදලක් කපා හැරීමට එම සමාගමේ අධ්යක්ෂ මණ්ඩලය පියවර ගෙන තිබෙනවා.
ඊට හේතු වී ඇත්තේ “Down Down” නමින් හඳුන්වා දුන් වට්ටම් වැඩසටහන යටතේ භාණ්ඩවල මිල ගණන් තාවකාලිකව ඉහළ දමා නැවත අඩු කරමින් පාරිභෝගිකයන් මුලාවට ලක් කළ බවට ෆෙඩරල් අධිකරණය හමුවේ තහවුරු වීමයි.
කෙසේ වෙතත් මෙම දඬුවම හමුවේ වුවද ඇය වසරකට ඩොලර් මිලියන 6ක පමණ වැටුපක් ලබාගන්නා රටේ ඉහළම වැටුප් ලබන නිලධාරිනියක් ලෙස තවදුරටත් රැඳී සිටිනවා.
මේ අතර, සේවකයන්ට හිඟ වැටුප් ගෙවීම සඳහා ඩොලර් මිලියන 235ක මුදලක් වෙන් කිරීමට සිදුව තිබියදීත්, පසුගිය වසරට සාපේක්ෂව 1%ක වර්ධනයක් අත්කර ගනිමින් ඩොලර් බිලියන 1.09ක වාර්ෂික ශුද්ධ ලාභයක් ලැබීමට Coles සමාගම සමත්ව තිබෙනවා.
ඉදිරි මාස 12 ඇතුළත කිරි, කුකුළු මස් සහ බිත්තර මිල තවත් ඉහළ යා හැකි බවටයි කෝල්ස් ප්රධාන වාණිජ නිලධාරිනී Anna Croft පාරිභෝගිකයන්ට අනතුරු අඟවා සිටින්නේ.
ජීවන වියදම ඉහළ යාම හමුවේ පාරිභෝගිකයන් අන්තර්ජාලය ඔස්සේ මිල ගණන් සැසඳීමට AI බහුලව භාවිත කරන බවත්, ඉදිරියේදී නව තාක්ෂණය සමඟ සේවාවන් පුළුල් කරන බවත් කෝල්ස් සමාගම වැඩිදුරටත් සඳහන් කළා.
