මෙල්බන් නගරයේ විශාල සංගීත සහ ක්රීඩා ඉසව් සඳහා ආසන 20,000ක නව බහුකාර්ය Arena එකක් ඉදිකළ යුතු බවට ක්ෂේත්රයේ ප්රධානීන් ඉල්ලීමක් කර තිබෙනවා.
Live Nation Australia සහ Tennis Australia හි හිටපු ප්රධාන විධායක Craig Tiley පවසන්නේ දැනට පවතින Rod Laver Arena වැනි ස්ථානවල ධාරිතාව ඉහළ යන ඉල්ලුමට ප්රමාණවත් නොවන බවයි.
නව Arena එකක් ඉදිකළහොත් විශාල ජාත්යන්තර සංගීත ප්රසංගවලට අමතරව NBA, UFC, බොක්සිං සහ විද්යුත් ක්රීඩා වැනි විශාල ඉසව් මෙල්බර්න් වෙත ගෙන්වා ගැනීමට වැඩි අවස්ථාවක් ලැබෙනු ඇති බව සඳහන්.
නව Arena එක Melbourne and Olympic Parks ප්රදේශයේ ඉදිකිරීම සුදුසු බවට යෝජනා වී ඇති අතර, Fishermans Bend ද විකල්ප ස්ථානයක් ලෙස ඉදිරිපත් වී තිබෙනවා.
මෙල්බන් නගරාධිපති Nick Reece ද නව Arena එකක අවශ්යතාව පිළිබඳව අවධානය යොමු කරමින්, ලෝකයේ අනෙකුත් නගර සමඟ තරගකාරීව සිටීමට මෙවැනි පහසුකම් අවශ්ය බව පවසා තිබෙනවා.
කෙසේ වෙතත් නව Arena එක සඳහා අවශ්ය විශාල මුදල සපයන්නේ කවුරුන්ද යන්න පිළිබඳව ගැටලුවක් පවතින අතර, Live Nation සමාගම අවශ්ය නම් ආයෝජනය කිරීමට සූදානම් බව ප්රකාශ කර තිබෙනවා.
වික්ටෝරියානු Premier Ben Carroll පවසන්නේ මෙල්බර්න් ප්රධාන ඉසව් සඳහා ලෝක මට්ටමේ නගරයක් ලෙස පවත්වාගෙන යාම වැදගත් වුවත්, මේ අවස්ථාවේ රජයේ ප්රමුඛතාවය පාසල්, සෞඛ්ය සහ මූලික සේවා බවයි.
