ඔස්ට්රේලියාවේ වේගයෙන් වර්ධනය වන කෘත්රිම බුද්ධි තාක්ෂණය සඳහා අවශ්ය දත්ත මධ්යස්ථාන සම්බන්ධයෙන් අද National Cabinet හි විශේෂ සාකච්ඡාවක් පැවැත්වෙනවා.
මෙම දත්ත මධ්යස්ථාන සඳහා විශාල විදුලි බලයක් අවශ්ය වීම හේතුවෙන්, එම බලශක්ති අවශ්යතාව ජාතික විදුලි පද්ධතියට ඇති කරන බලපෑම පිළිබඳව රජය අවධානය යොමු කර තිබෙනවා.
නව දත්ත මධ්යස්ථාන ඉදිකිරීමේදී ඒවා භාවිත කරන විදුලි ප්රමාණයට සරිලන අමතර පිරිසිදු බලශක්තියක් විදුලි පද්ධතියට එක් කිරීමට ඔවුන්ට වගකීමක් ලබාදීම පිළිබඳවත් සාකච්ඡා කෙරෙනවා.
ජල භාවිතය අඩු කිරීම සහ නිවාස, පාසල් හා වැදගත් කෘෂිකාර්මික ප්රදේශ ආසන්නයේ දත්ත මධ්යස්ථාන ඉදිකිරීම සීමා කිරීමද යෝජිත නීති අතරට ඇතුළත්.
කෙසේ වෙතත් Queensland සහ Northern Territory ඇතුළු ප්රාන්ත කිහිපයක් ෆෙඩරල් රජයේ යෝජිත බලශක්ති නීති සම්බන්ධයෙන් විරෝධය පළ කරමින් සිටිනවා.
රජය පවසන්නේ කෘත්රිම බුද්ධි තාක්ෂණයේ වර්ධනය රටට ආර්ථික හා තාක්ෂණික වාසි ගෙන ආ යුතු අතර, ඒ වෙනුවෙන් ජනතාවගේ විදුලි ගාස්තු සහ ජල සම්පත් මත අමතර බරක් ඇති නොවිය යුතු බවයි.
කෙසේවෙතත් නව නීති ක්රියාත්මක වීමට පෙර දත්ත මධ්යස්ථාන ව්යාපෘති ඉක්මනින් අනුමත කරගැනීමට ඇතැම් සමාගම් උත්සාහ කළ හැකි බවටද විශේෂඥයන් අනතුරු අඟවා තිබෙනවා
