ඔස්ට්රේලියාවේ ප්රාන්ත කිහිපයකට බලපා ඇති අයහපත් කාලගුණ තත්ත්වයත් සමඟ Victoria සහ WA සඳහා නව කාලගුණ අනතුරු ඇඟවීම් නිකුත් කර තිබෙනවා.
Victoria හි ඇතැම් ප්රදේශවලට ගංවතුර අවදානමක් පවතින අතර, WA හි ප්රදේශ කිහිපයකට තද වැසි සහ ගිගුරුම් සහිත වැසි පිළිබඳ අනතුරු ඇඟවීම් ක්රියාත්මකයි.
කාලගුණ විශේෂඥයන් පෙන්වා දෙන්නේ රටේ විශාල ප්රදේශයකට තවදුරටත් වැසි සහිත කාලගුණයක් පැවතිය හැකි නමුත්, ඉදිරි දින කිහිපයේදී ප්රදේශ රැසකට සාපේක්ෂව යහපත් කාලගුණ තත්ත්වයක් අපේක්ෂා කළ හැකි බවයි.
Victoria හි විශේෂයෙන් North West සහ North East ප්රදේශවල ගංගා ජල මට්ටම් ඉහළ යාමත් සමඟ සුළු ගංවතුර තත්ත්වයන් ඇතිවිය හැකි බවට අවධානය යොමු කර තිබෙනවා.
WAහි South East Coastal ප්රදේශයට අද දිනය පුරා තද වැසි ඇතිවිය හැකි බවටද Bureau of Meteorology අනතුරු අඟවා තිබෙනවා.
මේ අතර, NSW ප්රදේශ රැසකට ඉදිරි දිනවලදී වඩාත් පැහැදිලි කාලගුණයක් අපේක්ෂා කරන අතර, ඇතැම් ප්රදේශවල උෂ්ණත්වය සෙල්සියස් අංශක 19ත් 25ත් අතර පැවතිය හැකි බව සඳහන්.
කෙසේ වෙතත්, ගංවතුර සහ තද වැසි අවදානම් ඇති ප්රදේශවල ජනතාවට නවතම කාලගුණ අනතුරු ඇඟවීම් පිළිබඳ අවධානයෙන් සිටින ලෙසයි බලධාරීන් දැනුම් දෙන්නේ.
