සිඩ්නි නගරයේ Liverpool ප්රදේශයේ 30 හැවිරිදි Telecommunications සේවකයෙකු, පාරිභෝගිකයන්ගේ පෞද්ගලික තොරතුරු අපරාධ කණ්ඩායම් වෙත අලෙවි කළ බවට චෝදනා එල්ල වී තිබෙනවා.
NSW Police Financial Crimes Squad විසින් සිදුකළ විමර්ශනයකින් පසුව අද උදෑසන ඔහුව Liverpool Police Station හිදී අත්අඩංගුවට ගෙන තිබෙනවා.
පොලිසිය පවසන්නේ ඔහු තම රැකියාව හරහා පාරිභෝගික වාර්තා අවසරයකින් තොරව ලබාගෙන, එම තොරතුරු තුන්වන පාර්ශ්වයකට අලෙවි කර ඇති බවට සැක කෙරෙන බවයි.
එලෙස ලබාගත් තොරතුරු අපරාධ කණ්ඩායම් විසින් පුද්ගලයන් කිහිපදෙනෙකු ඉලක්ක කරගත් වංචා සඳහා භාවිත කර ඇති බවට පොලිසිය චෝදනා කරනවා.
මෙම පුද්ගලයාට චෝදනා 34ක් එල්ල කර ඇති අතර, අනන්යතා තොරතුරු අපරාධ සඳහා භාවිත කිරීමට ලබාදීම සහ පරිගණක පද්ධතිවලට අනවසරයෙන් ප්රවේශ වීම ඇතුළු චෝදනා ඒ අතර වනවා.
එමෙන්ම, රැකියා තනතුර භාවිත කරමින් නීති විරෝධී මූල්ය ප්රතිලාභ ලබාගැනීම සම්බන්ධයෙන්ද චෝදනා එල්ල වී තිබෙනවා. ඔහුට ඇප ලබාදීම ප්රතික්ෂේප කර ඇති අතර, Liverpool Local Court හමුවේ පෙනී සිටීමට නියමිතයි.
මේ අතර, පාරිභෝගික දත්ත අපරාධ කණ්ඩායම් අතට පත්වීම සම්බන්ධයෙන් NSW Police විමර්ශන තවදුරටත් සිදුකරමින් පවතිනවා.
