Special envoy for defence, veterans’ affairs and Northern Australia තනතුරෙන් තාවකාලිකව ඉල්ලා අස්වීමට ඔස්ට්රේලියානු ෆෙඩරල් ලේබර් පක්ෂ පාර්ලිමේන්තු මන්ත්රී Luke Gosling තීරණය කර තිබෙනවා.
ඔහුට එරෙහිව එල්ල වී ඇති පහරදීම් චෝදනා සහ ඇප කොන්දේසි කඩකිරීමේ චෝදනා හේතුවෙන් හටගෙන ඇති දේශපාලනික පීඩනය ඊට හේතුවයි.
NTහි පරිපාලක David Connollyට පහරදීමේ සිදුවීමකට අදාළව Luke Goslingට එරෙහිව පසුගියදා නඩු පවරනු ලැබුවා.
අදාළ ඇප කොන්දේසි කඩකළ බවට පොලිසිය විසින් ඔහුට ඊයේ නව චෝදනා නිකුත් කර ඇති අතර, සැප්තැම්බර් 30 වනදා ඔහු ඩාවින් මහේස්ත්රාත් අධිකරණයේ පෙනී සිටීමට නියමිතයි.
කෙසේ වෙතත්, Luke Gosling තමන්ට එරෙහි සියලු චෝදනා සම්පූර්ණයෙන්ම ප්රතික්ෂේප කරන අතර අධිකරණය හමුවේ නිර්දෝෂීභාවය තහවුරු කිරීමට කටයුතු කරන බව ද ප්රකාශ කළා.
තමන්ට එරෙහි චෝදනා හේතුවෙන් රජයේ කටයුතුවලට සිදුවන බාධාවන් වැළැක්වීම සඳහා අදාළ නීතිමය කටයුතු අවසන් වන තෙක් තනතුරෙන් තාවකාලිකව ඉවත්ව සිටින බවයි ඔහු වැඩිදුරටත් සඳහන් කළේ.
