සිඩ්නි ගුවන් තොටුපළේ මාසයක් ඇතුළත සිදුවූ හතරවැනි අනතුරුදායක ගුවන් යානා සිද්ධිය සම්බන්ධයෙන් ඕස්ට්රේලියානු ප්රවාහන ආරක්ෂක කාර්යාංශය පරීක්ෂණයක් ආරම්භ කර තිබෙනවා.
අලුත්ම සිද්ධියේදී Qantas සමාගමට අයත් Airbus A321 ගුවන් යානයක් පිටත්වීමට යමින් සිටියදී, පැමිණෙමින් තිබූ Boeing 737 යානයක් සමඟ එකම භූමි මංසන්ධිය දෙසට යොමු වී ඇති බව සඳහන්.
එම අවස්ථාවේ Airbus යානයේ නියමුවන් තිරිංග යොදා නතර කිරීමෙන් ගැටීමක් වළක්වාගෙන ඇති බව වාර්තා වෙනවා.
ATSB කියන්නේ ක්ෂණික ගැටීමේ අවදානමක් නොතිබුණත්, කෙටි කාලයක් තුළ මෙවැනි සිද්ධි නැවත නැවත සිදුවීම ගැන පද්ධතිමය ගැටලුවක් තිබේදැයි පරීක්ෂා කරන බවයි.
ජූලි 27දා Qantas Boeing 737 යානයක් QantasLink Dash 8 යානයකට ආසන්නවීමක්ද ඕස්ට්රේලියානු ප්රවාහන ආරක්ෂක කාර්යාංශය විසින් පරීක්ෂා කරමින් තිබෙනවා.
අගෝස්තු 9දා Jetstar යානයක් Qatar Airways Boeing 777 යානයක් වළක්වා ගැනීමට හදිසියේ නතර කළ තවත් සිද්ධියක් සහ Virgin Australia යානයක් ගුවන් ගත කිරීම නතර කළ සිද්ධියක්ද වාර්තා වුණා.
මෙම සිද්ධි සියල්ල පිළිබඳව ගුවන් ගමන් පාලන ක්රමවේද සහ ආරක්ෂක පද්ධති සම්බන්ධයෙන් ඕස්ට්රේලියානු ප්රවාහන ආරක්ෂක කාර්යාංශයේ පරීක්ෂණ ඉදිරියට ගෙන යන අතර, අලුත්ම සිද්ධියට අදාළ මූලික වාර්තාව සති 6ත් 8ත් අතර කාලයකදී නිකුත් කිරීමට නියමිතයි.
