ඔස්ට්රේලියානු කොටස් වෙළඳපොළේ පාරිභෝගික අත්යවශ්ය භාණ්ඩ (Consumer Staples) ක්ෂේත්රයේ පෙරමුණට ගනිමින් Woolworths සමාගමේ කොටස් මිල අද දිනයේ 4.7%ක වර්ධනයක් වාර්තා කර තිබෙනවා.
ආහාර අලෙවිය ඉහළ යාම සහ අන්තර්ජාලය හරහා සිදුකරන e-Commerce අලෙවියේ වර්ධනය මෙම ආදායම් ඉහළ යාමට ප්රධාන වශයෙන් බලපා ඇති බවයි වාර්තා වන්නේ.
එමෙන්ම, කුඩා ළමුන් අතර බෙහෙවින් ජනප්රිය වූ ‘Ooshies’ ප්රවර්ධන වැඩසටහන ද මෙම අලෙවි වර්ධනයට යම් සහයක් ලබා දී තිබෙනවා.
මේ අතර, ආයතනයේ සේවකයින්ගේ වැටුප් වර්ධනය සම්බන්ධයෙන් මාධ්යවේදීන් විසින් Woolworths ප්රධාන විධායක නිලධාරී Amanda Bardwellගෙන් ප්රශ්න කර සිටියා.
ඊට පිළිතුරු දෙමින් ඇය සඳහන් කළේ සිය සේවකයින්ට හොඳ වැටුපක් ලැබෙන අතර, ඔවුන්ගේ සේවා ගිවිසුම් Fair Work නීතිරීතිවලට අනුකූල වන බවයි.
