ඔස්ට්රේලියාවේ විදේශිකයන් විසින් නිවාස සහ නේවාසික දේපළ මිලදී ගැනීම සඳහා ලබාගත් අනුමැති සංඛ්යාව සැලකිය යුතු ලෙස පහළ ගොස් තිබෙනවා.
2026 ජනවාරි සිට මාර්තු දක්වා කාර්තුවේ විදේශීය ආයෝජකයන් සඳහා අනුමත කළ නේවාසික දේපළ යෝජනා සංඛ්යාව 663ක් ලෙසයි වාර්තා වී ඇත්තේ.
ඊට පෙර 2025 ඔක්තෝබර් සිට දෙසැම්බර් දක්වා කාර්තුවේ එම සංඛ්යාව 864ක් වූ අතර, ඒ අනුව එක් කාර්තුවක් තුළ අනුමැති සංඛ්යාව 23%කට ආසන්න ප්රමාණයකින් පහළ ගොස් තිබෙනවා.
2026 මුල් කාර්තුවේ අනුමත නේවාසික දේපළ ආයෝජනවල මුළු වටිනාකම ඩොලර් බිලියනයක් පමණ බවත් භාණ්ඩාගාර දත්ත පෙන්වනවා.
මෙම අඩුවීමට බලපා ඇති ප්රධාන හේතුවක් ලෙස දක්වා ඇත්තේ විදේශිකයන්ට ඔස්ට්රේලියාවේ දැනටමත් ඉදිකර ඇති නිවාස මිලදී ගැනීම සඳහා පනවා ඇති දැඩි සීමාවන්.
2025 අප්රේල් 1 සිට විදේශීය ආයෝජකයන්ට සාමාන්යයෙන් දැනටමත් ඉදිකර ඇති නිවාස මිලදී ගැනීම තහනම් කර ඇති අතර, මෙම සීමාව 2029 ජූනි 30 දක්වා ක්රියාත්මක වීමට නියමිතයි.
රජය පවසන්නේ විදේශීය මුදල් දැනට පවතින නිවාස සඳහා තරඟ කිරීම වෙනුවට, නව නිවාස ඉදිකිරීම සඳහා යොමු කිරීම මෙම ප්රතිපත්තියේ අරමුණ බවයි.
ඒ අනුව ඉදිරි කාලයේදී විදේශිකයන්ගේ ස්ථාපිත නිවාස මිලදී ගැනීම් තවදුරටත් සීමා විය හැකි අතර, විදේශීය ආයෝජන වැඩි වශයෙන් නව නිවාස ඉදිකිරීම වෙත හැරෙනු ඇති බවටයි බලාපොරොත්තු වන්නේ.
