Victoria ප්රාන්තයේ සියලුම ජනතාවට නොමිලේ දන්ත ප්රතිකාර ලබාදීමේ නව වැඩපිළිවෙළක් Labor රජය විසින් ප්රකාශයට පත් කර තිබෙනවා.
අගමැති බෙන් කැරොල් පවසන්නේ නොවැම්බර් ප්රාන්ත මැතිවරණයෙන් Labor යළි බලයට පත්වුවහොත්, මේ සඳහා ඩොලර් මිලියන 230ක් වසර තුනක් තුළ වැය කිරීමට සැලසුම් කර ඇති බවයි.
සැලසුම අනුව Victoria පුරා නව මහජන දන්ත සායන 10ක් ආරම්භ කිරීමට නියමිත අතර, ඒවායින් 7ක් Melbourne ප්රදේශයේත් 3ක් ප්රාදේශීය Victoriaහිත් පිහිටුවීමට සැලසුම් කර තිබෙනවා.
මෙම සායනවලට කලින් වේලාවක් වෙන්කර ගැනීමකින් තොරව පැමිණිය හැකි අතර, හදිසි දන්ත ගැටලු ඇති අයට ප්රමුඛතාව ලබාදීමට නියමිතයි.
දත් පරීක්ෂා කිරීම, දත් පිරවීම, root canal ප්රතිකාර සහ දත් ගලවා ඉවත් කිරීම වැනි සේවාවන් රෝගීන්ගෙන් ගාස්තු අය නොකර ලබාදීමට යෝජනා කර තිබෙනවා.
සියලුම සායන ක්රියාත්මක වූ පසු වසරකට 100,000කට වැඩි වික්ටෝරියානුවන් පිරිසකට මෙම සේවාව ලබාගත හැකි බවයි රජය අපේක්ෂා කරන්නේ.
රජය පවසන්නේ දන්ත ප්රතිකාර සඳහා ගෙවීමට නොහැකිව ප්රතිකාර කල් දමන ජනතාවට සහ ජීවන වියදම් පීඩනයට මුහුණ දෙන පවුල්වලට මෙය විශාල සහනයක් වනු ඇති බවයි.
