වික්ටෝරියානු ප්රාන්තයේ ඉදිරි මැතිවරණය ඉලක්ක කරගනිමින් විපක්ෂ සන්ධානය විසින් අධිකරණ පද්ධතියේ විශේෂ වෙනසක් සිදුකිරීමට යෝජනා කර තිබෙනවා.
ඒ අනුව, දැනට පවතින අභියාචනාධිකරණය (Court of Appeal) කොටස් දෙකකට වෙන්කර, අපරාධ නඩු සම්බන්ධයෙන් පමණක් තීන්දු දීම සඳහා ‘අපරාධ අභියාචනාධිකරණයක්’ (Court of Criminal Appeal) ස්ථාපිත කිරීමටයි ඔවුන් සැලසුම් කර ඇත්තේ.
වික්ටෝරියානු විපක්ෂයේ නායකයින් පවසන්නේ, බරපතල අපරාධ සඳහා ලබාදෙන දඬුවම් මහජන බලාපොරොත්තු සහ සමාජ ආරක්ෂාවට ගැළපෙන පරිදි දැඩි කිරීමට මෙම පියවර ගන්නා බවයි.
අපරාධ නීතිය පිළිබඳ මනා පළපුරුද්දක් ඇති විනිසුරුවරුන් මෙම නව අධිකරණයට පත්කිරීමට නියමිත අතර, එමගින් වරදකරුවන්ට හිමිවන දඬුවම් ලිහිල් වීම වැළැක්වීමට හැකිවනු ඇති බව ඔවුන් පෙන්වා දෙනවා.
කෙසේ වෙතත්, මෙම යෝජනාව සම්බන්ධයෙන් වික්ටෝරියානු නීති ක්ෂේත්රයේ ප්රධාන පාර්ශ්වයන් දැඩි කනස්සල්ල පළකර සිටිනවා.
නීති සංගමයේ නියෝජිතයින් පෙන්වා දෙන්නේ, දේශපාලන අවශ්යතා මත අධිකරණ තීන්දුවලට බලපෑම් කිරීමට ආණ්ඩුවක් උත්සාහ කිරීම මගින් ස්වාධීන අධිකරණ පද්ධතියට සහ ප්රජාතන්ත්රවාදයට දැඩි තර්ජනයක් එල්ල විය හැකි බවයි.
කෙසේ වෙතත්, මෙමගින් නඩු විසඳීමේ කාලය තවදුරටත් ප්රමාද විය හැකි බවයි වත්මන් රජය පවසන්නේ.
