ඔස්ට්රේලියානු මාධ්ය ක්ෂේත්රයට නව පියවරක් තබමින් AusLanka TV මාධ්ය ජාලය විසින් මෙහෙයවන AusTV අද නිල වශයෙන් ආරම්භ කෙරුණා.
AusTV නිල දියත් කිරීමේ උත්සවය සඳහා දේශපාලන නියෝජිතයින්, ප්රජා නායකයින්, ව්යාපාරික ක්ෂේත්රයේ නියෝජිතයින්, සම්භාවනීය අමුත්තන් සහ ප්රජා සාමාජිකයින් රැසක් එක්ව සිටියා.
ඔස්ට්රේලියාව පුරා විසිරී සිටින විවිධ ප්රජාවන්ට වැදගත් වන පුවත්, තොරතුරු සහ සැබෑ ජීවිත කතා ඉංග්රීසි බසින් නව ආකාරයකින් ඉදිරිපත් කිරීම AusTV හි ප්රධාන අරමුණයි.
මෙම නිළ උත්සවයේදී AusTV හි අනාගත දැක්ම, මාධ්ය මෙහෙවර සහ ඉදිරියේදී ප්රේක්ෂකයින් වෙත ගෙන ඒමට නියමිත අන්තර්ගත පිළිබඳවද හඳුන්වා දෙනු ලැබුවා.
ප්රජාවන්ගේ හඬට වැඩි ඉඩක් ලබාදීම, ප්රාදේශීය කතා ඉදිරියට ගෙන ඒම සහ ජනතාවගේ දෛනික ජීවිතයට සෘජුවම බලපාන කරුණු පිළිබඳ විශ්වාසනීය හා කාලෝචිත තොරතුරු ලබාදීම AusTV හි ප්රධාන මෙහෙවරක් වනවා.
AusTV ආරම්භය, AusLanka TV මාධ්ය ජාලයේ ව්යාප්තියේ තවත් වැදගත් සන්ධිස්ථානයක් ලෙසද සැලකෙනවා.
වසර ගණනාවක් පුරා ඔස්ට්රේලියාවේ ශ්රී ලාංකික ප්රජාව සමඟ ගොඩනගාගත් මාධ්ය සම්බන්ධතාවය තවදුරටත් පුළුල් කරමින්, ඔස්ට්රේලියාවේ විවිධ ප්රජාවන් වෙත ළඟාවීම මෙම නව පියවරේ අරමුණයි.
පුවත් පමණක් නොව, ප්රජා සිදුවීම්, ව්යාපාරික තොරතුරු, දේශපාලන හා සමාජ කරුණු, සම්මුඛ සාකච්ඡා සහ ඔස්ට්රේලියානු ප්රේක්ෂකයින්ට වැදගත් විවිධ වැඩසටහන් AusTV හරහා ඉදිරිපත් කිරීමට සැලසුම් කර තිබෙනවා.
විවිධ පසුබිම්වලින් පැමිණෙන ජනතාව අතර සම්බන්ධතාවය ශක්තිමත් කරමින්, ඔවුන්ගේ අදහස් සඳහා පුළුල් මාධ්ය වේදිකාවක් ලබාදීමද AusTV හි ප්රධාන දැක්මයි.
අද පැවති සාර්ථක නිල දියත් කිරීමත් සමඟ, AusTV ඔස්ට්රේලියානු මාධ්ය භූමිකාව තුළ විශ්වාසනීය, කාලෝචිත සහ ප්රජාව සමඟ සමීප මාධ්ය හඬක් ලෙස සිය ගමන ආරම්භ කර තිබෙනවා.
AusTV හි මෙම නව ආරම්භය, තවත් මාධ්ය ආයතනයක දියත් කිරීමක් පමණක් නොව, ඔස්ට්රේලියාව පුරා විවිධ ප්රජාවන් එකිනෙකට සමීප කරමින් ඔවුන්ගේ කතා රට පුරා ගෙන යන නව මාධ්ය ගමනක ආරම්භයක් ලෙස සනිටුහන් වෙනවා.
