AUKUS ගිවිසුම යටතේ න්යෂ්ටික බලයෙන් ක්රියාත්මක වන සබ්මැරීන් ඔස්ට්රේලියානු කලාපයේ සැරිසැරීම ඉහළ යාමත් සමඟ, බටහිර ඔස්ට්රේලියානු බලධාරීන් විසින් න්යෂ්ටික විකිරණ කාන්දුවකට මුහුණ දීම සඳහා විශේෂ හදිසි ආපදා සැලැස්මක් සකස් කර තිබෙනවා.
පර්ත්හි HMAS Stirling නාවික හමුදා කඳවුර, Henderson ආරක්ෂක පරිශ්රය සහ Fremantle වරාය ආශ්රිතව ගැමා විකිරණ හෝ විකිරණශීලී අයඩින් කාන්දුවක් සිදුවුවහොත් ක්රියාත්මක විය යුතු ආකාරය මෙම සැලැස්මට ඇතුළත්.
කෙසේ වෙතත් මෙවැනි අනතුරක් සිදුවීමේ ඉඩකඩ ලොතරැයි දිනුමකටත් වඩා ඉතා අඩු බව ද, න්යෂ්ටික සබ්මැරීන පිපිරී යාම භෞතිකව කළ නොහැකි බව ද බලධාරීන් පෙන්වා දෙනවා.
එහෙත් සිදුවිය හැකි ඉතා අවාසිදායක අවස්ථාවකදී ජනතාව මුදා ගැනීම, නිවෙස් තුළ ආරක්ෂිතව රැඳී සිටීමට උපදෙස් දීම සහ විකිරණ බලපෑම අවම කිරීමට අයඩින් පෙති ලබා දීම සඳහා සෞඛ්ය අංශ සූදානමින් සිටිනවා.
ඔස්ට්රේලියානු විකිරණ ආරක්ෂණ සහ න්යෂ්ටික ආරක්ෂණ ඒජන්සිය (ARPANSA) මගින් මෙම හදිසි මෙහෙයුම් සම්බන්ධීකරණය කිරීමට නියමිතයි.
