ජාත්යන්තර අපරාධ අධිකරණය හෙවත් ICC ආයතනය “බිඳ දැමීමට” Trump පරිපාලනය ගෙන යන වැඩපිළිවෙළ පිළිබඳ ඔස්ට්රේලියානු නිලධාරීන් දැඩි කනස්සල්ල පළකර තිබෙනවා.
අමෙරිකාව ICC සභාපති Tomoko Akane සහ ජ්යෙෂ්ඨ නීතිඥ Abdoulaye Seye ඇතුළු නිලධාරීන් කිහිපදෙනෙකුට සම්බාධක පනවා තිබෙනවා.
ICC වෙත ලබාදෙන අරමුදල් සහ සහභාගීත්වය නතර කරමින් තම වැඩපිළිවෙළට එක්වන ලෙස අමෙරිකානු රාජ්ය ලේකම් Marco Rubio අනෙකුත් රටවලින් ඉල්ලා තිබුණා.
කෙසේවෙතත් ඔස්ට්රේලියාව එම ඉල්ලීමට එකඟ නොවන බවයි විදේශ කටයුතු සහ වෙළෙඳ දෙපාර්තමේන්තුව ප්රකාශ කර ඇත්තේ.
ICC සහ එහි නිලධාරීන්ට සම්බාධක පැනවීමට තමන් සහාය නොදක්වන බවත්, අධිකරණයේ ස්වාධීනත්වයට ගරු කරන බවත් එම දෙපාර්තමේන්තුව සඳහන් කළා.
ICC ආරම්භක සාමාජිකයෙකු වන ඔස්ට්රේලියාව, සමූහ ඝාතන, යුද අපරාධ සහ මනුෂ්යත්වයට එරෙහි අපරාධ සම්බන්ධයෙන් වගවීම තහවුරු කිරීම සඳහා එහි කාර්යභාරයට දිගුකාලීනව සහාය ලබාදී තිබෙනවා.
අනාගත අමෙරිකානු සම්බාධකවලට ලක්විය හැකි ICC හි සේවය කරන ඔස්ට්රේලියානුවන් සමඟද ෆෙඩරල් රජය සම්බන්ධතා පවත්වාගෙන යන බවයි වාර්තා වන්නේ.
