2024 වසරේදී සිදුවූ Luke Briggsගේ මරණය සම්බන්ධයෙන් චෝදනා ලබා සිටි වික්ටෝරියා පොලිස් නිලධාරීන් දෙදෙනා නිදහස් කිරීමට මෙල්බන් මහේස්ත්රාත් අධිකරණය තීරණය කර තිබෙනවා.
කොස්තාපල් Alexander Papanastassis සහ සැරයන් James Fitzgerald යන නිලධාරීන්ට එරෙහිව එල්ල වී තිබූ නොසැලකිලිමත් ලෙස මිනීමැරීමේ චෝදනා (negligent manslaughter) විභාග කළ මහේස්ත්රාත් Patrick Southey ප්රකාශ කළේ, ඔවුන්ට එරෙහිව ඇති සාක්ෂි ප්රමාණවත් නොවන බැවින් මෙම නඩුව පවත්වාගෙන යා නොහැකි බවයි.
මෙහිදී මහේස්ත්රාත්වරයා ඇමෙරිකාවේ සිදුවූ George Floydගේ මරණය ගැන ද සිහිපත් කළ අතර එය සහ මෙම සිද්ධිය අතර කිසිදු සමානකමක් නොමැති බව ද පෙන්වා දුන්නා.
අදාළ අවස්ථාවේදී පොලිස් නිලධාරීන් තමන්ට හැකි උපරිම අයුරින් ක්රියා කර ඇති බවයි මහේස්ත්රාත්වරයා සඳහන් කළේ.
Luke Briggs අත්අඩංගුවට ගැනීමේදී අසනීප තත්ත්වයකට පත්ව ඇති අතර, නිලධාරීන් CPR ලබාදී වෛද්ය සහාය කැඳවා තිබුණා.
එහෙත් ඔහු දින අටකට පසු, මෙල්බන් රෝහලකදී මියගියා.
කෙසේ වෙතත්, මෙම නඩු තීන්දුවත් සමඟ දැඩි කම්පනයට පත් Luke Briggs පවුලේ සාමාජිකයින් චෝදනා කරන්නේ, පොලිස් නිලධාරීන්ගේ නොසැලකිල්ල සහ නිසි පුහුණුවක් නොමැතිකම හේතුවෙන් මෙම මරණය සිදුවූ බවටයි.
මේ අතර වික්ටෝරියා ප්රාන්ත රජයට එරෙහිව සිවිල් නඩුවක් පැවරීමට ද ඔවුන් කටයුතු කරමින් සිටිනවා.
