මෙල්බන් නගරයේ ජනගහන වර්ධනය සම්බන්ධයෙන් පශ්චාත් කොවිඩ් සමයෙන් පසුව සිදුකළ අලුත්ම පර්යේෂණ වාර්තාවලින් ආන්දෝලනාත්මක තොරතුරු රැසක් අනාවරණය වී තිබෙනවා.
ඒ අනුව, මෑත කාලයේදී මෙල්බන් නගරයට එකතු වූ නව පදිංචිකරුවන්ගෙන් 86%ක් විදේශිකයින් බවයි වාර්තා වන්නේ.
ඔස්ට්රේලියානු සංඛ්යාලේඛන කාර්යාංශයේ දත්ත විශ්ලේෂණය කරමින් ප්රකාශයට පත්කර ඇති මෙම වාර්තාවලට අනුව, 2023 සහ 2025 කාලය අතරතුර පමණක් 3,50,000කට ආසන්න ශුද්ධ සංක්රමණිකයින් සංඛ්යාවක් මෙල්බන්හි පදිංචි වී තිබෙනවා.
මෙය ඔස්ට්රේලියාවට පැමිණි මුළු විදේශීය සංක්රමණිකයින්ගෙන් 27%ක ප්රමාණයක්.
ඉන්දියාව, චීනය, පිලිපීනය සහ ශ්රී ලංකාව යන රටවලින් වැඩිම සංක්රමණිකයින් ප්රමාණයක් පැමිණ ඇති බවයි මෙහි දක්වා ඇත්තේ.
මෙම තත්ත්වය හමුවේ මෙල්බන්හි දේශීය උපත් අනුපාතයට වඩා විදේශීය සංක්රමණයන් සිව්ගුණයකින් ඉහළ ගොස් ඇති අතර, නගරයේ නිවාස සහ යටිතල පහසුකම් කෙරෙහි ද විශාල බලපෑමක් එල්ල වී තිබෙනවා.
එබැවින් ඉදිරි වසරවලදී සංක්රමණිකයන් පැමිණීමේ සීමාවන් අඩු කිරීමට සහ වීසා නීති දැඩි කිරීමට ඔස්ට්රේලියානු රජය පියවර ගනිමින් සිටිනවා.
කෙසේ වෙතත්, ආර්ථික අවශ්යතා සහ රට තුළ පවතින ශ්රම හිඟය පියවා ගැනීම සඳහා පාලනයක් සහිත සංක්රමණික ප්රතිපත්තියක් ඉදිරියට පවත්වාගෙන යාමට රජය බලාපොරොත්තු වන බවයි වාර්තා වන්නේ.
