Victoria ප්රාන්තයේ ප්රදේශ රැසකට අද සිට වැසි සහ අයහපත් කාලගුණික තත්ත්වයක් බලපානු ඇති බවට අනාවැකි පළ වී තිබෙනවා.
Melbourne ඇතුළු ප්රදේශවල අද රාත්රියේ සිට වැසි වැඩිවීමට ඉඩ ඇති බවයි කාලගුණ විද්යා කාර්යංශය අනතුරු අඟවන්නේ.
විශේෂයෙන් හෙට, අගෝස්තු 25 වන අඟහරුවාදා Melbourne ප්රදේශයට වැසි ඇතිවීමේ අවස්ථාව සියයට 100ක් ලෙස දක්වා තිබෙනවා.
ඇතැම් ප්රදේශවලට මිලිමීටර් 9ත් 25ත් අතර වර්ෂාපතනයක් ලැබිය හැකියි.
Geelong, Ballarat, Bendigo සහ Shepparton ප්රදේශවලද වැසි සහ showers වැඩිවීමට නියමිතයි.
වැසි සමඟ මාර්ග තෙත් වීම සහ පහත් බිම්වල ජලය රැඳීම වැනි තත්ත්වයන් පිළිබඳ රියදුරන් විශේෂ අවධානයෙන් සිටිය යුතුයි.
Bureau of Meteorology නිකුත් කරන නවතම weather warnings සහ forecasts පරීක්ෂා කරන ලෙස ජනතාවට උපදෙස් දී තිබෙනවා.
මේ අතර ඔස්ට්රේලියාවේ දකුණු ප්රදේශ රැසකට මේ සතියේ තද වැසි සහ කුණාටු තත්ත්වයක් බලපානු ඇති බවට අනාවැකි පළ වී තිබෙනවා.
විශේෂයෙන් දැනටමත් අධික වැසි ලැබී බිම් තෙත් වී ඇති ප්රදේශවල ජල ගැලීම් සහ ගංවතුර අවදානම ඉහළ යා හැකියි.
කුණාටු සමඟ ප්රදේශ කිහිපයකට තද සුළං සහ අකුණු සහිත වැසිද ඇති විය හැකි බවට අනතුරු අඟවා තිබෙනවා.
වැසි හේතුවෙන් ජලයෙන් යටවූ මාර්ගවල රිය පැදවීමෙන් වළකින ලෙසද ජනතාවට සිහිපත් කර තිබෙනවා.
