මෙල්බන් නගරයේ ජනගහන වර්ධනයෙන් විශාල කොටසක් විදේශ සංක්රමණයෙන් සිදුව ඇති බව නව අධ්යයනයක් පෙන්වා දෙනවා.
ඕස්ට්රේලියානු සංඛ්යාලේඛන කාර්යාංශයේ දත්ත පදනම් කරගෙන මහජන කටයුතු ආයතනය සිදු කළ විශ්ලේෂණයේ දැක්වෙන්නේ 2023 සිට 2025 දක්වා මෙල්බන් ජනගහනය 407,170කින් ඉහළ ගොස් ඇති බවයි.
එම වර්ධනයෙන් 349,476 දෙනෙකු, එනම් 86%කට ආසන්න ප්රමාණයක්, ශුද්ධ විදේශ සංක්රමණය හරහා මෙල්බන් වෙත එකතු වී තිබෙනවා.
මේ අතර උපත් සහ මරණ අතර වෙනස හෙවත් ස්වභාවික උපත් වැඩිවීම හරහා 86,580 දෙනෙකු එකතු වී ඇති අතර, මෙල්බන් සිට වෙනත් ඔස්ට්රේලියානු ප්රදේශවලට ගිය පිරිස වැඩිවීම නිසා ශුද්ධ අභ්යන්තර සංක්රමණ අගය 28,886ක් ලෙසයි වාර්තා වී ඇත්තේ.
ඔස්ට්රේලියාව පුරා එම කාලය තුළ වාර්තා වූ ශුද්ධ විදේශ සංක්රමණිකයන් මිලියන 1.27කට වැඩි පිරිසෙන් 27%කට ආසන්න ප්රමාණයක් මෙල්බන් වෙත පැමිණ ඇති බවත් වාර්තාව පෙන්වා දෙනවා.
Melbourne-West ප්රදේශය විශාලතම ජනගහන වර්ධනය වාර්තා කර ඇති අතර, Melbourne South East ප්රදේශයේද විදේශ සංක්රමණයෙන් 65,288 දෙනෙකු එකතු වී තිබෙනවා.
