වික්ටෝරියා ප්රාන්ත රජය මගින් ආරම්භ කරන ලද Pill Testing Service ක්රියාත්මක වී වසරක් සම්පූර්ණ කිරීම හමුවේ ජීවිත රැසක් ආරක්ෂා කරගැනීමට හැකිවූ බව වාර්තා වනවා.
2025 අගෝස්තු මාසයේදී ආරම්භ කරන ලද මෙම සේවාව සඳහා මේ වන විට පුද්ගලයින් 3,000කට ආසන්න සංඛ්යාවක් යොමු වී තිබෙනවා.
පසුගිය වසර තුළ මත්ද්රව්ය සාම්පල 5,000කට වැඩි ප්රමාණයක් පරික්ෂාවට ලක් කර ඇති අතර, එහිදී සෞඛ්ය උපදේශකයින් විසින් පාරිභෝගිකයින් සමඟ සාකච්ඡා වාර 2,500කට අධික සංඛ්යාවක් පවත්වා තිබෙනවා.
මේ අතර පරීක්ෂා කරන ලද සාම්පල අතුරින් 12%ක පමණ දැඩි හානිකර සහ අපේක්ෂා නොකළ රසායනික ද්රව්ය අඩංගු බවටයි හඳුනාගෙන ඇත්තේ.
මෝෆින් මෙන් 1000 ගුණයකින් ප්රබල මාරාන්තික nitazenes ඇතුළු අධික විෂ සහිත ද්රව්ය පිළිබඳව ප්රජාව දැනුවත් කරමින් හදිසි රතු නිවේදන 28ක් නිකුත් කිරීමට මෙන්ම, ඖෂධ අධිමාත්රාව (overdose) පාලනය කරන naloxone ඖෂධ මාත්රා 700ක් ලබා දීමට ද පියවර ගෙන තිබෙනවා.
මෙම සේවාව සංගීත සංදර්ශන 10කදී ජංගම ලෙස ද ක්රියාත්මක කෙරුණා.
වික්ටෝරියානු ලේබර් රජය විසින් අදාළ ක්ෂේත්රය වෙනුවෙන් ඩොලර් බිලියන 3කට අධික මුදලක් වෙන්කර ඇති අතර, 2026/27 අයවැයෙන් ද තවත් ඩොලර් මිලියන 94.3ක් මේ සඳහා වෙන් කර තිබෙනවා.
