මෙල්බන් ඇතුළු වික්ටෝරියා ප්රාන්තයේ ප්රදේශ රැසකට අද තද වැසි සහ ගිගුරුම් සහිත කුණාටු ඇතිවිය හැකි බව කාලගුණ විද්යා කාර්යාංශය අනතුරු අඟවා තිබෙනවා.
මෙල්බන් නගරයට මිලිමීටර් 10ත් 20ත් අතර වැසි ලැබිය හැකි අතර උදෑසන කාලයේ වැසි තත්ත්වය වැඩි විය හැකියි.
වික්ටෝරියා ප්රාන්තයේ ඊසානදිග කඳුකර ප්රදේශවලට මිලිමීටර් 60ක් දක්වා තද වැසි ඇතිවිය හැකි බව සඳහන්.
ඇතැම් ප්රදේශවල හදිසි ගංවතුර, හානිදායක සුළං සහ විශාල හිම කැට ඇතිවීමේ අවදානමක්ද පවතිනවා.
මෙම කාලගුණ පද්ධතිය South Australia සිට Victoria, New South Wales සහ Queensland ප්රදේශ දක්වා ව්යාප්ත වෙමින් තිබෙනවා.
NSW අභ්යන්තර ප්රදේශ සහ Snowy Mountains ප්රදේශයටද තද වැසි සහ දරුණු කුණාටු අපේක්ෂා කරන අතර Sydney නගරයට මිලිමීටර් 5ත් 10ත් අතර වැසි ලැබිය හැකියි.
වැසි ජලයෙන් යටවූ මාර්ග හරහා රිය ධාවනය නොකරන ලෙසත් නවතම කාලගුණ අනතුරු ඇඟවීම් පිළිබඳ අවධානයෙන් සිටින ලෙසත් ජනතාවට දැනුම් දී තිබෙනවා.
