NDIS අරමුදලින් ඩොලර් 700,000කට ආසන්න මුදලක් ව්යාජ ලෙස තම පුද්ගලික ගිණුම් වෙත ලබාගත් බවට චෝදනා ලැබූ 48 හැවිරිදි පුද්ගලයෙකු වික්ටෝරියා පොලිසිය විසින් අත්අඩංගුවට ගෙන තිබෙනවා.
හැමිල්ටන් අපරාධ විමර්ශන ඒකකය සහ ජාතික ආබාධිත රක්ෂණ ඒජන්සිය (NDIA) පවසන්නේ, NDIS ප්රතිලාභියෙකු වන මෙම පුද්ගලයා 2024 ජූනි 28 සිට 2026 ජූනි 30 දක්වා වූ වසර දෙකක කාලය තුළ තමන් ලබා නොගත් සේවාවන් සඳහා ව්යාජ invoices ඉදිරිපත් කර ඇති බවයි.
මේ සඳහා ව්යාපාර ආයතන දෙකක් පිහිටුවාගෙන ඇති ඔහු, NDIS හරහා ලබාගන්නා අරමුදල් පසුව තමන්ගේ පෞද්ගලික බැංකු ගිණුම් වෙත බැර කරගෙන තිබෙනවා.
Horsham ආසන්නයේ පිහිටි නිවසකදී ඊයේ අත්අඩංගුවට ගත් මෙම පුද්ගලයාගෙන් ප්රශ්න කිරීම් සිදුකරන බව ද, අපරාධවලින් උපයාගත් දේපළ භාවිත කිරීමේ චෝදනා ඔහුට එල්ල වන බව ද පොලිසිය ප්රකාශ කළා.
හැමිල්ටන් අපරාධ විමර්ශන ඒකකයේ පරීක්ෂණ කණ්ඩායම් පෙන්වා දෙන්නේ සමාජයේ අසරණ පිරිස වෙනුවෙන් වෙන්කර ඇති අරමුදල් අවභාවිත කරන පුද්ගලයින්ට එරෙහිව දැඩි ලෙස නීතිය ක්රියාත්මක කරන බවයි.
මෙවැනි වංචනික ක්රියා පාලනය කිරීමට විශේෂ දත්ත විශ්ලේෂණ සහ ඒකාබද්ධ පරීක්ෂණ නිරන්තරයෙන් සිදුකරන බවයි NDIA ප්රකාශකයෙකු ද අවධාරණය කළේ.
