ඔස්ට්රේලියාවේ ජීවන වියදම ඉහළ යාම මැද, Woolworths ආයතනය දෛනිකව භාවිත කරන ආහාර සහ ගෘහ භාණ්ඩ රැසක මිල අඩු කිරීමට පියවර ගෙන තිබෙනවා.
මෙම මිල අඩු කිරීම යටතේ තවත් භාණ්ඩ 105ක් එකතු කරමින්, අඩු මිලට ලබාදෙන භාණ්ඩ ගණන 1,035ක් දක්වා ඉහළ නංවා ඇති බවයි Woolworths පවසන්නේ.
අලුතින් මිල අඩු කළ භාණ්ඩ අතර කුකුල් මස්, හරක් මස්, ඌරු මස්, බිත්තර, චීස්, සලාද, සිසිල් බීම, චිප්ස් සහ ගෘහ භාණ්ඩ ඇතුළත්.
Woolworths පවසන්නේ මෙම භාණ්ඩවල මිල කලින් තිබූ සාමාන්ය මිලට වඩා සාමාන්යයෙන් 16.4%කින් අඩු බවයි.
උදාහරණයක් ලෙස, චීස් ග්රෑම් 500ක පැකට්ටුවක් ඩොලර් 7.70 සිට ඩොලර් 6.80 දක්වාත්, කුකුල් මස් කිලෝ 1ක් ඩොලර් 15.50 සිට ඩොලර් 13.50 දක්වාත් අඩු කර තිබෙනවා.
මෙම අලුත් මිල ගණන් අගෝස්තු 26 සිට වෙළඳසැල් සහ අන්තර්ජාලය හරහා ලබාගත හැකියි.
