ඔස්ට්රේලියාවේ ප්රමුඛ අඩු වියදම් ගුවන් සේවයක් වන Jetstar Airways (අද) අගෝස්තු 25 සිට කොළඹට සෘජු ගුවන් ගමන් ආරම්භ කිරීමට නියමිතව තිබෙනවා.
මෙල්බන් සිට කොළඹ බලා පැමිණෙන පළමු JQ5 ගුවන් යානය අද දහවල් 12ට පිටත්ව පස්වරු 5.50ට බණ්ඩාරනායක ජාත්යන්තර ගුවන්තොටුපළට ළඟා වීමට නියමිතයි.
ආපසු JQ6 ගුවන් යානය අද පස්වරු 7.50ට කොළඹින් පිටත්ව පසුදින පෙරවරු 10ට මෙල්බන් වෙත ළඟා වනු ඇති.
මෙය Jetstar සමාගමේ ශ්රී ලංකා ගුවන් සේවා වෙළඳපොළට සිදුවන පළමු පිවිසුමයි.
නව ගුවන් ගමන් අඟහරුවාදා, බ්රහස්පතින්දා සහ සෙනසුරාදා යන දිනවල සතියකට තුන්වරක් ක්රියාත්මක කිරීමට බලාපොරොත්තු වේ.
මෙම ගමන් සඳහා Boeing 787-8 Dreamliner ගුවන් යානා භාවිත කිරීමට නියමිතයි.
තවද, නව සෘජු ගුවන් ගමන් හේතුවෙන් ශ්රී ලංකාව සහ ඔස්ට්රේලියාව අතර සංචාරක හා ගුවන් සම්බන්ධතා තවදුරටත් ශක්තිමත් වනු ඇතැයි අපේක්ෂා කෙරෙනවා.
