ඔස්ට්රේලියාවේ සේවක වැටුප් තවදුරටත් ඉහළ ගියත්, එම වර්ධනය ජීවන වියදම් ඉහළ යන වේගයට වඩා අඩු මට්ටමක පවතින බව නවතම දත්ත පෙන්වා දෙනවා.
ඔස්ට්රේලියා සංඛ්යා ලේඛන කාර්යංශයේ අද නිකුත් කළ දත්තවල දැක්වෙන්නේ 2026 ජූනි කාර්තුවේ වැටුප් මිල දර්ශකය 0.8%කින් ඉහළ ගොස් ඇති බවයි.
වසරක් තුළ වැටුප් වර්ධනය 3.2%ක් ලෙස සටහන් වී ඇති අතර, 2025 ජූනි කාර්තුවේ එය 3.4%ක් වුණා.
පෞද්ගලික අංශයේ වැටුප් ජූනි කාර්තුවේ 0.7%කින් ඉහළ ගොස් ඇති අතර, රාජ්ය අංශයේ වැටුප් 0.9%කින් ඉහළ ගොස් ඇති බව සඳහන්.
වාර්ෂිකව පෞද්ගලික අංශයේ වැටුප් 3.1%කින් සහ රාජ්ය අංශයේ වැටුප් 3.4%කින් ඉහළ ගොස් තිබෙනවා.
මේ අතර 2026 ජූනි දක්වා වසරක පාරිභෝගික මිල දර්ශකය 3.8%කින් ඉහළ ගොස් ඇති බව ABS දත්ත පෙන්වා දෙනවා.
ඒ අනුව සමස්ත වැටුප් වර්ධනය 3.2%ක් වන අතර උද්ධමනය 3.8%ක් වීම හේතුවෙන්, සාමාන්යයෙන් බලන විට වැටුප් වැඩිවීම ජීවන වියදම් ඉහළ යාමට වඩා පසුපසින් පවතින තත්ත්වයක් දැකගත හැකියි.
ජූනි මාසය දක්වා වූ වසරක කාලය තුළ නිවාස වියදම් 6.8%කින්, ආහාර සහ මත්පැන් නොවන පාන වර්ග සඳහා වියදම් 3.3%කින් සහ විනෝදාස්වාද හා සංස්කෘතික කටයුතු සඳහා වියදම් 3.3%කින් ඉහළ ගොස් ඇති බව ABS සඳහන් කරනවා.
ඒ අනුව වැටුප් ඉහළ යමින් තිබුණත්, බොහෝ පවුල්වල දෛනික ජීවන වියදම් පීඩනය තවමත් සම්පූර්ණයෙන් අඩුවී නොමැති බවයි මෙම දත්ත පෙන්වා දෙන්නේ.
