වන් නේෂන් නායිකා පෝලින් හැන්සන්, වාර්ගික වෙනස්කම් කිරීම පනතේ 18C වගන්තිය සම්බන්ධ නඩුව මහාධිකරණයට ගෙන යාමට අවසර ඉල්ලා තිබෙනවා.
මෙම වගන්තිය යටතේ ජාතිය, වර්ණය, ජාතිකත්වය හෝ ජනවාර්ගික පසුබිම පදනම් කරගෙන කෙනෙකුට අපහාස කිරීම, අවමන් කිරීම, ලැජ්ජාවට පත් කිරීම හෝ බිය ගැන්වීම නීතිවිරෝධී විය හැකියි.
හැන්සන් නිවේදනයක් නිකුත්කරමින් පවසන්නේ මේ නීතිය නිසා සංක්රමණ, ජාතිය, ආගම සහ ආදිවාසී ප්රතිපත්ති වැනි කරුණු ගැන විවෘතව අදහස් දැක්වීමට ජනතාව බිය විය හැකි බවයි.
ඇයගේ අදහස අනුව, මෙම නීතිය අදහස් ප්රකාශ කිරීමේ සහ දේශපාලන අදහස් හුවමාරු කිරීමේ නිදහසට වැඩි සීමාවක් පනවනවා.
කෙසේ වෙතත්, මේ සම්බන්ධයෙන් ඇය ඉදිරිපත් කළ තර්ක ෆෙඩරල් අධිකරණයේ පූර්ණ විනිසුරු මඩුල්ලක් විසින් මීට පෙර ප්රතික්ෂේප කර තිබුණා.
ඒ නිසා දැන් හැන්සන්, නඩුව නැවත සලකා බැලීමටයි මහාධිකරණයෙන් අවසර ඉල්ලා සිටින්නේ.
ඇය පවසන්නේ මේ නඩුව තමන් ගැන පමණක් නොව, ඔස්ට්රේලියානුවන්ට දේශපාලන හා සමාජ කරුණු ගැන නිදහසේ අදහස් පළ කිරීමට ඇති අයිතිය ගැන බවයි.
