Brisbane හි බටහිර ප්රදේශයේ Brookfieldහි 23 හැවිරිදි කාන්තාවකට සිදු වූ බව කියන ලිංගික ප්රහාරයකින් පසු, කාන්තාවන්ට එරෙහි ප්රචණ්ඩත්වයට විරෝධය පළ කරමින් සිය ගණනක් ජනතාව අද පාගමනකට එක්වී තිබෙනවා.
පොලීසිය පවසන්නේ එම කාන්තාව පසුගිය බ්රහස්පතින්දා උදෑසන ප්රදේශයේ ඇවිදිමින් සිටියදී පසුපසින් පැමිණි පුද්ගලයෙකු විසින් ළඟ ඇති පඳුරු අතරට ඇදගෙන ගොස් ලිංගික ප්රහාරයකට ලක් කළ බවයි.
මෙම සිද්ධිය සම්බන්ධයෙන් 32 හැවිරිදි Jacob Dave Henry Hauraki නමැති පුද්ගලයෙකුට rape චෝදනා 6ක් ඇතුළු තවත් බරපතළ චෝදනා කිහිපයක් ගොනු කර තිබෙනවා.
ඔහු මේ වනවිටත් රක්ෂිත බන්ධනාගාරයේ සිටින අතර, නඩුව සැප්තැම්බර් 18 නැවත කැඳවීමට නියමිතයි.
අද පැවති පාගමනට එක්වූ පිරිස Brookfield Road ඔස්සේ ගමන් කරමින්, කාන්තාවන්ට එරෙහි ප්රචණ්ඩත්වය පිළිගත නොහැකි බවටයි පණිවිඩයක් ලබාදී ඇත්තේ.
මෙම පාගමන සංවිධානය කළ Emily Hall පවසන්නේ ප්රජාවක් ලෙස මෙවැනි ප්රචණ්ඩත්වයට එරෙහිව පැහැදිලි සීමාවක් තැබීම තම අරමුණ බවයි.
පසුගිය සති කිහිපය තුළ ඔස්ට්රේලියාව පුරා ලිංගික ප්රහාර සම්බන්ධ සිද්ධීන් කිහිපයක් වාර්තා වීමත් සමඟ, කාන්තාවන්ගේ ආරක්ෂාව පිළිබඳ සංවාදය නැවතත් දැඩි වී තිබෙනවා.
