පසුගිය ජූලි 24 වනදා සිදුකළ අභ්යවකාශ චාරිකාවෙන් පසු ඉන්දියන් සාගරයට කඩා වැටුණු SpaceX සමාගමේ Starship 40 රොකට්ටුව, Christmas Islandහි සිට නැවත ඇමරිකාවේ ටෙක්සාස් වෙත රැගෙන යාමේ දීර්ඝ ගමන ආරම්භ කර තිබෙනවා.
දින 24කට අධික කාලයක් සාගරයේ පාවෙමින් තිබියදී සොයාගැනුණු 52mක් උසැති මෙම දැවැන්ත රොකට්ටුව, Forte නමැති නෞකාව යොදාගනිමින් ජලයෙන් ඉහළට ගෙන නෞකා තට්ටුව මත තැන්පත් කිරීමට තාක්ෂණික ශිල්පීන් සමත් වුණා.
මෙම අතිශය දුෂ්කර හා විශාල පිරිවැයක් දරමින් සිදුකරන මෙහෙයුම ඔස්සේ රොකට්ටුව 20,000kmක් පමණ දුර ගෙවා ටෙක්සාස්හි පිහිටි SpaceX මූලස්ථානය වෙත ගෙන යාමට නියමිතයි.
අභ්යවකාශ ගමනකින් පසු නොකැඩී ආරක්ෂිතව පෘථිවියට පතිත වූ පළමු උඩ කොටසේ රොකට්ටුව මෙයයි.
මෙමගින් SpaceX ඉංජිනේරුවන්ට නැවත භාවිත කළ හැකි රොකට් තාක්ෂණය වැඩිදියුණු කිරීමට වටිනා තොරතුරු රැසක් අනාවරණය කරගත හැකි වනු ඇතැයි විශ්වාස කෙරෙනවා.
මේ අතර, සති කිහිපයක් Christmas Island ආසන්නයේ නතර කර තිබූ මෙම රොකට්ටුව නරඹන්නන් සහ ප්රදේශවාසීන් අතර විශාල ආකර්ෂණයක් දිනා ගැනීමට ද සමත් වුණා.
