ඔස්ට්රේලියාව තුළ අලුතින් ඉදිකරන Data Centres සඳහා 100%ක් පුනර්ජනනීය බලශක්තිය භාවිත කිරීමේ ජාතික නීති රීතිවලින් කිසිදු ප්රාන්තයකට නිදහස් වීමට ඉඩ නොදෙන බව ෆෙඩරල් බලශක්ති අමාත්ය Chris Bowen පවසනවා.
ක්වීන්ස්ලන්ඩ් සහ Northern Territory ප්රාන්ත සඳහා ගල් අඟුරු හෝ ගෑස් වැනි සාම්ප්රදායික බලශක්ති ප්රභවයන් භාවිත කිරීමට විශේෂ අවසරයක් හිමි වූ බවට එම ප්රාන්ත පාලකයින් කළ ප්රකාශ අමාත්යවරයා සම්පූර්ණයෙන්ම ප්රතික්ෂේප කළා.
පුනර්ජනනීය බලශක්තියට වඩා ගල් අඟුරු භාවිතය ලාභදායී සහ කාර්යක්ෂම බව තහවුරු කිරීමට යම් ප්රාන්තයකට හැකි නම් පමණක්, ඒ සඳහා ෆෙඩරල් රජයට ඉල්ලීමක් ඉදිරිපත් කළ හැකි වනවා.
එහි අවසාන තීරණය ගනු ලබන්නේ සෙනෙට් මණ්ඩලය සහ ෆෙඩරල් රජය මගින් බවයි අමාත්යවරයා වැඩිදුරටත් අවධාරණය කළේ.
දත්ත මධ්යස්ථාන යනු අධික ලෙස විදුලිය පරිභෝජනය කරන ආයතන වන බැවින්, ප්රාන්තවලට හිතුමතේ කටයුතු කිරීමට ඉඩ දුනහොත් ජනතාවගේ විදුලි බිල 13%කින් පමණ ඉහළ යා හැකි බව ද බලශක්ති අමාත්යවරයා පෙන්වා දෙනවා.
මේ අතර ලබන වසර මුලදී මේ සම්බන්ධයෙන් වන නව ජාතික පනත පාර්ලිමේන්තුවට ඉදිරිපත් කිරීමට නියමිතයි.
