2024 වසරේදී ඔස්ට්රේලියාව තුළ මත්ද්රව්ය හේතුවෙන් සිදුවූ මරණ 2,596ක් වාර්තා වී තිබෙනවා.
ඉන් 80.5%ක් හිතාමතා නොකළ අධිමාත්රා භාවිතය හේතුවෙන් සිදුවූ මරණ බවයි නවතම වාර්තාවෙන් හෙළිවී ඇත්තේ.
2008 වසරේ සිට මත්ද්රව්ය හේතුවෙන් මියගිය සංඛ්යාව මාර්ග අනතුරුවලින් මියගිය සංඛ්යාවටත් වඩා ඉහළ බව සඳහන්.
විශේෂයෙන් වයස අවුරුදු 50ත් 59ත් අතර පුද්ගලයන්ගේ මරණ ඉහළ ගොස් ඇති අතර, මෙය තරුණයන්ට පමණක් බලපාන ගැටලුවක් නොවන බව විශේෂඥයන් පවසනවා.
හිතාමතා නොකළ මත්ද්රව්ය මරණවලින් 72.7%ක් පිරිමි පුද්ගලයන් බවද වාර්තාව පෙන්වා දෙනවා.
ප්රාදේශීය සහ ග්රාමීය ප්රදේශවල ජීවත්වන ජනතාව අතර මරණ අනුපාතය ප්රධාන නගරවලට වඩා ඉහළ බවත් හෙළිවී තිබෙනවා.
නීතිවිරෝධී මත්ද්රව්ය පමණක් නොව වෛද්ය නිර්දේශ මත ලබාදෙන ඖෂධ වැරදි ලෙස භාවිත කිරීමත් මෙම අධිමාත්රා මරණවලට හේතුවන බවට සෞඛ්ය විශේෂඥයන් අනතුරු අඟවනවා.
