වික්ටෝරියා ප්‍රාන්තයේ Retail සහ Transport සේවකයන් ආරක්ෂා කිරීම සඳහා සම්මත කළ නව Workplace Protection Order නීති සම්බන්ධයෙන් දැඩි විරෝධයක් එල්ල වී තිබෙනවා.

නව නීතිය යටතේ, සේවකයන්ට ප්‍රචණ්ඩත්වය, තර්ජන, අපයෝජනය හෝ stalking වැනි හැසිරීම් සිදුකරන පුද්ගලයන්ට අදාළ workplace එකට ඇතුළුවීම සීමා කිරීමට හෝ තහනම් කිරීමට අධිකරණයට බලය හිමිවනවා.

එවැනි Workplace Protection Order එකක් උපරිම වශයෙන් මාස 12ක් ක්‍රියාත්මක කළ හැකි අතර, එය උල්ලංඝනය කළහොත් වසර දෙකක් දක්වා සිරදඬුවමක් හෝ දඩයක් නියම කළ හැකියි.

කෙසේ වෙතත්, Australian Retail Council පවසන්නේ නීතිය තුළ interim orders හෙවත් අවසන් අධිකරණ නියෝගයක් ලැබෙන තුරු ක්ෂණිකව ක්‍රියාත්මක කළ හැකි තාවකාලික ආරක්ෂණ නියෝග ඇතුළත් නොවීම බරපතළ අඩුපාඩුවක් බවයි.

Retail Council ප්‍රධාන විධායක Chris Rodwell පවසන්නේ, මේ හේතුව නිසා වික්ටෝරියා නීතිය රටේ පවතින Workplace Protection Order ආකෘති අතර දුර්වලම එකක් බවට පත්ව ඇති බවයි.

Coles ද පෙන්වා දෙන්නේ නීතිය සම්මත වීම පිළිබඳව සතුටු වුවත්, තවමත් වැදගත් හිඩැස් පවතින බවයි. South Australia හි සමාන ආරක්ෂණ ක්‍රමයක් ක්‍රියාත්මක කිරීමෙන් පසු තර්ජනාත්මක සිදුවීම් සියයට 16කින් අඩු වී ඇති බවද Coles සඳහන් කර තිබෙනවා.

ඒ අනුව, සේවක ආරක්ෂාව සඳහා නව නීතියක් සම්මත කළත්, එය ප්‍රමාණවත්ද යන්න පිළිබඳ වික්ටෝරියානු රජයට සහ retail කර්මාන්තයට අතර විවාදය තවදුරටත් උණුසුම් වෙමින් පවතිනවා.