නේපාලයට බලපෑ දරුණු ගංවතුර සහ නායයෑම් හේතුවෙන් විශාල පිරිසක් පීඩාවට පත්ව තිබෙනවා.
විපතට පත් ජනතාවට සහන සැලසීම සඳහා ශ්රී ලංකාව අමෙරිකානු ඩොලර් මිලියනයක් ලබාදීමට තීරණය කර ඇති බවයි එරට ජනාධිපති මාධ්ය අංශය සඳහන් කරන්නේ.
ජනාධිපති අනුර කුමාර දිසානායකගේ උපදෙස් මත මෙම මානුෂීය ආධාරය ලබාදීමට නියමිතයි.
ජීවිත අහිමිවීම සහ ජනතාව මුහුණදෙන දුෂ්කරතා සම්බන්ධයෙන් ජනාධිපතිවරයා සිය ශෝකය පළකර තිබෙනවා.
අමාත්ය විජිත හේරත් ද නේපාල විදේශ අමාත්යවරයා සමඟ දුරකථන සාකච්ඡාවක් පවත්වා ඇති බවද සඳහන්.
එහිදී ශ්රී ලංකාවේ සහයෝගය සහ ශෝකය නේපාලයට දැනුම් දී ඇති බව සඳහන්.
ඉදිරි සහන හා ප්රතිසාධන කටයුතු සඳහා තවදුරටත් සහාය ලබාදිය හැකි ආකාර සොයා බලන බව විදේශ කටයුතු අමාත්යාංශය පවසනවා.
