නේපාලය සහ ටිබෙටය අතර කඳුකර ප්රදේශයට බලපෑ විනාශකාරී ගංවතුර ග්ලැසියරයක විශාල අයිස් සහ පාෂාණ කොටසක් කඩා වැටීමෙන් ආරම්භ වූ බව මූලික විශ්ලේෂණවලින් පෙනී ගොස් තිබෙනවා.
එම සුන්බුන් ගංගාවකට වැටීමත් සමඟ ජලය, මඩ සහ විශාල ගල් සහිත ප්රබල රැල්ලක් පහළ ගම්මාන වෙත ගලාගොස් තිබුණා.
ඇතැම් ප්රදේශවල විනාඩි 30ක් ඇතුළත ජල මට්ටම මීටර් නවයකින් පමණ ඉහළ ගිය බවයි විශේෂඥයන් පවසන්නේ.
උෂ්ණත්වය ඉහළ යෑමෙන් ග්ලැසියර දියවී කඳු බෑවුම්වලට ලබාදෙන ස්වභාවික ආධාරය දුර්වල වන බව විද්යාඥයන් පෙන්වා දෙනවා.
මේ හේතුවෙන් කඳු බෑවුම් කඩා වැටී ගංවතුර, නායයෑම් සහ හිම කඳු කඩා වැටීම් ඇතිවීමේ අවදානම ඉහළ යා හැකියි.
කෙසේවෙතත්, සෑම ග්ලැසියර කඩා වැටීමකටම දේශගුණික විපර්යාසය සෘජුවම හේතුවන බව තවමත් තහවුරු කළ නොහැකි බවද විශේෂඥයන් අවධාරණය කරනවා.
එහෙත් ලෝක උෂ්ණත්වය තවදුරටත් ඉහළ ගියහොත් නේපාලය ඇතුළු හිමාල කලාපයේ මිලියන ගණනක ජනතාව මෙවැනි ව්යසනවල වැඩි අවදානමකට මුහුණදිය හැකි බවට අනතුරු අඟවා තිබෙනවා.
#NepalFloods #ClimateChange #GlacierCollapse #NaturalDisaster #WorldNews #AusLankaTV
