ගැබ්ගෙල පිළිකාව වැළැක්වීමට භාවිත කරන Gardasil එන්නත ඔස්ට්රේලියාවේ හඳුන්වාදී මේ වනවිට වසර 20ක් සම්පූර්ණ වී තිබෙනවා.
මෙම එන්නත ගැබ්ගෙල පිළිකාවට ප්රධාන වශයෙන් හේතුවන HPV වෛරසයෙන් ආරක්ෂාව ලබාදෙනවා.
ඒ අනුව ඉදිරි වසර දහය ඇතුළත ගැබ්ගෙල පිළිකාව මහජන සෞඛ්ය ගැටලුවක් ලෙස තුරන් කළ හැකි මට්ටමට ඔස්ට්රේලියාව ළඟාවනු ඇති බවයි විශේෂඥයන් පවසන්නේ.
කෙසේවෙතත්, ඔස්ට්රේලියානු දරුවන් අතර HPV එන්නත ලබාගැනීමේ ප්රතිශතය පසුගිය කාලයේ පහළ ගොස් ඇති බව නව දත්ත පෙන්වා දෙනවා.
පිරිමි සහ ගැහැනු දරුවන් දෙපාර්ශ්වයම මෙම එන්නත ලබාගැනීම වැදගත් වන්නේ HPV වෛරසය පිළිකා වර්ග කිහිපයකටම හේතුවිය හැකි නිසයි.
එන්නත් ලබාගැනීම තවදුරටත් අඩුවුවහොත් ගැබ්ගෙල පිළිකාව තුරන් කිරීමේ ජාතික ඉලක්කය ප්රමාද විය හැකි බවට සෞඛ්ය විශේෂඥයන් අනතුරු අඟවනවා.
එම නිසා නියමිත වයසේදී HPV එන්නත ලබාගැනීම සහ කාන්තාවන් නියමිත ගැබ්ගෙල පරීක්ෂණවලට සහභාගී වීම අත්යවශ්ය බව ඔවුන් අවධාරණය කරනවා.
