වෘත්තීය අධ්යාපනය සහ පුහුණුව ලබන සිසුන්ගේ ප්රතිඵල රට පුරා එකම ක්රමයකට මැනීම සඳහා නව ජාතික පදනම් වාර්තාවක් නිකුත් කර තිබෙනවා.
Jobs and Skills Australia ආයතනය විසින් අද (28) මෙම වාර්තාව නිකුත් කරනු ලැබුවා.
සිසුන් පුහුණුවෙන් පසු ලබන රැකියා, ආදායම් සහ වැඩිදුර අධ්යාපන අවස්ථා මෙහිදී ඇගයීමට ලක් කෙරෙනවා.
පුහුණු පාඨමාලා සහ රටේ ශ්රමික අවශ්යතා අතර ඇති සම්බන්ධයත් මෙමගින් මැන බැලෙනවා.
ආදිවාසී සිසුන්, කාන්තාවන් සහ ආබාධ සහිත පුද්ගලයන්ගේ ප්රතිඵල පිළිබඳවද විශේෂ අවධානයක් යොමු කර තිබෙනවා.
සේවක හිඟය පවතින වෘත්තීන්ට අදාළ පාඨමාලා සඳහා ඇතුළත් වීම් සහ පාඨමාලා සම්පූර්ණ කිරීම් මෑත වසරවල ඉහළ ගොස් ඇති බවයි වාර්තාව පෙන්වා දෙන්නේ.
ඉදිරි වසරවල වෘත්තීය පුහුණු ක්ෂේත්රයේ දියුණුව මැන බැලීමට මෙම වාර්තාව ජාතික මූලික මිනුමක් ලෙස භාවිත කිරීමට නියමිතයි.
