Sydney හි නිරිතදිග ප්රදේශයේ Appin ආසන්නයෙන් අද උදෑසන රික්ටර් පරිමාණයේ 3.4ක ප්රබලතාවක භූ කම්පනයක් වාර්තා වී තිබෙනවා.
Geoscience Australia අනුව මෙම භූ කම්පනය Appin ප්රදේශය ආශ්රිතව සිදුව ඇති අතර, එහි කම්පනය අවට ප්රදේශවල ජනතාවට දැනී තිබෙනවා.
භූ කම්පනය සිදුවීමත් සමඟ South-West Sydney ප්රදේශයේ ජනතාව විශාල පිරිසක් තමන්ට කම්පනය දැනුණු බවට වාර්තා කර තිබෙනවා.
විශේෂයෙන්ම Appin සහ ඒ අවට ප්රදේශවල නිවාස සහ ගොඩනැගිලිවල කෙටි වේලාවක් කම්පනයක් දැනුණු බව ජනතාව සඳහන් කර ඇති බවයි වාර්තා වන්නේ.
මෙම භූ කම්පනයෙන් විශාල හානියක් හෝ පුද්ගල තුවාල පිළිබඳ තොරතුරු මේ වන විට වාර්තා වී නොමැති බව සඳහන්.
කෙසේ වෙතත් භූ කම්පනය සම්බන්ධයෙන් වැඩිදුර තොරතුරු සහ පසුකම්පන පිළිබඳව බලධාරීන්ගේ අවධානය යොමුවී තිබෙනවා.
ඒ අනුව Sydney නගරයේ නිරිතදිග ප්රදේශයේ ජනතාවට අද දැනුණු මෙම භූ කම්පනය සම්බන්ධයෙන් Geoscience Australia දත්ත අනුව තොරතුරු තවදුරටත් යාවත්කාලීන වෙමින් පවතිනවා.
