වික්ටෝරියා ප්රාන්තයේ හිටපු අගමැති Daniel Andrews වෙනුවෙන් ඉදිකිරීමට සැලසුම් කර තිබූ ලෝකඩ පිළිම ව්යාපෘතිය අත්හැරීමට වික්ටෝරියා ප්රාන්ත අගමැති බෙන් කැරොල් තීරණය කර තිබෙනවා.
වසර 1999 සිට පැවත ආ සාම්ප්රදායික ක්රමවේදයට අනුව, දින 3,000කට වඩා වැඩි කාලයක් ප්රාන්ත අගමැති ධුරය හෙබවූ නායකයින් වෙනුවෙන් මෙලෙස ලෝකඩ පිළිම නෙළීම සිදු කෙරුණා.
කෙසේ වෙතත්, මහජන මුදල් අතිශය පරිස්සමෙන් හා වගකීමෙන් භාවිත කළ යුතු බව පවසමින් නව අගමැතිවරයා මෙම ව්යාපෘතිය අවලංගු කර තිබෙනවා.
මේ අතර කොන්ත්රාත්තුව අවලංගු කිරීම නිසා සිදුවන අනවශ්ය නීතිමය හා මුල්යමය පාඩු වළක්වා ගැනීමට පියවර ගෙන ඇති බවයි වාර්තා වන්නේ.
ඒ අනුව, මෙම මූර්ති නිර්මාණය සඳහා යොදාගන්නා නිර්මාණකරුවන්ට වෙනත් සුදුසු චරිතයක් හෝ ස්මාරකයක් නිර්මාණය කිරීම සඳහා ස්වාධීන කමිටුවක් හරහා උපදෙස් ලබා දීමට නියමිතයි.
වික්ටෝරියා ප්රාන්ත මැතිවරණය ආසන්නයේ සිදු වූ මෙම තීරණය පිළිබඳව මේ වන විටත් ප්රාන්ත දේශපාලන කරළියේ දැඩි සංවාදයක් නිර්මාණය වී තිබෙනවා.
