මෙහිදී ශ්‍රී ලාංකික පසුබිමක් සහිත විද්‍යාඥයන් කිහිපදෙනෙකුද සම්මානයට පාත්‍ර වී තිබීම විශේෂත්වයක්.

RMIT University හි Dr Nitu Syed, නැනෝ ව්‍යුහ සහ අනාගත තාක්ෂණය පිළිබඳ පර්යේෂණ වෙනුවෙන් Outstanding Engineer Award සම්මානය දිනාගෙන තිබෙනවා.

RMIT හි Distinguished Professor Baohua Jia, ආලෝක තාක්ෂණ නවෝත්පාදන ක්ෂේත්‍රයේ දායකත්වය වෙනුවෙන් Leadership Award සම්මානය හිමිකරගෙන තිබෙනවා.

BMD Construction හි Parminder Kaur, Melbourne North East Link ඇතුළු ප්‍රධාන යටිතල පහසුකම් ව්‍යාපෘති සඳහා කළ දායකත්වය වෙනුවෙන් Infrastructure Impact Award සම්මානය දිනාගෙන තිබෙනවා.

Monash University හි Dr Susmita Saha, ස්නායු හා දුර්ලභ රෝග හඳුනාගැනීම සඳහා AI තාක්ෂණය භාවිත කරන මෙවලම් සංවර්ධනය කිරීම වෙනුවෙන් Technology Trailblazer Award සම්මානය ලබාගෙන තිබෙනවා.

Deakin University හි Dr Muna Al-Hawawreh, AI මත පදනම් වූ සයිබර් ආරක්ෂාව සහ තර්ජන හඳුනාගැනීම පිළිබඳ පර්යේෂණ වෙනුවෙන් Rising Star Award සම්මානය දිනාගෙන තිබෙනවා.

මීට අමතරව Dr Hashini Gunatilake හට PhD Scholar Award, Dr Lakshmi Wijeyewickrema හට Guiding Star in Mentorship Award සහ Dr Ashish Sethi හට Allyship for Equity Award සම්මාන හිමිවී තිබෙනවා.

2026 සම්මාන උළෙලේ ජාතික අවසන් තරගකරුවන් 92 දෙනාගෙන් 40%ක්ම වික්ටෝරියා ප්‍රාන්තයෙන් පැමිණි අය වීමත් විශේෂත්වයක්.

AI, සෞඛ්‍ය, ඉංජිනේරු, යටිතල පහසුකම්, පාරිසරික තිරසාරභාවය සහ STEM අධ්‍යාපනය වැනි ක්ෂේත්‍රවල විවිධ සංස්කෘතික පසුබිම්වලින් පැමිණි කාන්තාවන්ගේ දායකත්වය ඇගයීම මෙම සම්මාන උළෙලේ ප්‍රධාන අරමුණක්.

2026 Women of Colour in STEM Awards උළෙල ඔක්තෝබර් 5 වනදා Melbourne හිදී පැවැත්වුණා.

විවිධ සංස්කෘතික පසුබිම්වලින් පැමිණි පර්යේෂකයන් සහ වෘත්තිකයන් STEM ක්ෂේත්‍රයට ලබාදෙන දායකත්වය මෙවැනි ඇගයීම් හරහා තවදුරටත් ඉස්මතු වෙනවා.