සිඩ්නිහි “Gumtree rapist” ලෙස හැඳින්වූ Pierre Raphael Mol අද, ඔක්තෝබර් 4 දින, parole යටතේ සිරෙන් නිදහස් කිරීමට නියමිත බව වාර්තා වෙනවා.

62 හැවිරිදි Mol, 2009 සිට 2014 අතර කාලයේ කාන්තාවන් හය දෙනෙකුට ලිංගික අපරාධ සිදු කළ බවට වරදකරු වී තිබෙනවා.

වින්දිතයන් හය දෙනාගෙන් පස් දෙනෙකුම Gumtree වෙබ් අඩවියේ casual work සොයමින් සිටියදී ව්‍යාජ modelling සහ කලා කටයුතු ලබාදෙන බව පවසා ඔහුගේ Sydney North Shore studio එකට කැඳවාගෙන ගොස් අපරාධ සිදු කර ඇති බවයි අධිකරණ වාර්තාවල සඳහන් වන්නේ.

හයවැනි වින්දිතයා ඔහු විනිසුරුවරයෙකු ලෙස කටයුතු කළ කලා තරගයකදී හඳුනාගෙන තිබුණා.

2015දී මුල් වින්දිතයන් තිදෙනා සම්බන්ධයෙන් Molට වසර 14ක සිරදඬුවමක් නියම කර තිබූ අතර, තවත් කාන්තාවන් තිදෙනෙකු ඉදිරියට පැමිණීමෙන් පසු 2024දී අමතර වසර හතක දඬුවමක් නියම කෙරුණා.

එම දෙවැනි දඬුවම 2022 ජූලි 5 සිට බලපැවැත්වෙන ලෙස ගණනය කිරීම නිසා ඔහු 2026 ඔක්තෝබර් 4 සිට parole සඳහා සුදුසුකම් ලබා තිබෙනවා.

NSW State Parole Authority විසින් අගෝස්තු මාසයේදී ඔහුගේ නිදහස් කිරීම අනුමත කර ඇති අතර, නිදහස් වීමෙන් පසු Sydneyහි Corrective Services NSW විසින් පාලනය කරන ස්ථානයක ඔහු රඳවා තැබීමට නියමිතයි.

විශේෂඥ ඇගයීම්වලදී සාමාන්‍ය අපරාධ නැවත සිදු කිරීමේ අවදානම අඩු බවත්, ලිංගික අපරාධ නැවත සිදු කිරීමේ අවදානම ඉතා අඩු බවත් සඳහන් කර තිබෙනවා.

කෙසේවෙතත්, වින්දිතයන්ගෙන් එක් අයෙකු වන Ashley Yakimchuk ඔහු නිදහස් වීම සම්බන්ධයෙන් දැඩි බිය පළ කර ඇති අතර, තමන්ට එරෙහිව “පළිගැනීමට” ඔහු උත්සාහ කළ හැකි බවටද සැක පළ කර තිබෙනවා.