ඔස්ට්‍රේලියාවේ ප්‍රදේශ කිහිපයක ජනතාවට මේ සති අන්තයේ දින තුනක දිගු නිවාඩුවක් ලැබෙන අතර, ඒ සමඟම ප්‍රාන්ත පහක Daylight Saving Time ද ආරම්භ වීමට නියමිතයි.

හෙට, ඔක්තෝබර් 4 ඉරිදා අලුයම 2ට, Victoria, New South Wales, ACT, Tasmania සහ South Australia ප්‍රදේශවල ඔරලෝසු පැයකින් ඉදිරියට ගොස් අලුයම 3 බවට පත්වෙනවා. 

ඒ අනුව වික්ටෝරියා ජනතාවට එදින පැයක නින්දක් අහිමි වන අතර, සවස වැඩි වේලාවක් ස්වභාවික ආලෝකය ලැබෙන Daylight Saving කාලය ආරම්භ වෙනවා.

Queensland, Western Australia සහ Northern Territory ප්‍රදේශවල Daylight Saving ක්‍රියාත්මක නොවන නිසා එම ප්‍රදේශවල වේලාව වෙනස් වෙන්නේ නැහැ. 

මේ අතර සඳුදා ඔක්තෝබර් 5 රජයේ නිවාඩු දිනයක් තිබෙන්නේ ACT, New South Wales සහ South Australia හි Labour Day ලෙසත්, Queensland හි King’s Birthday ලෙසත් පමණයි.

Victoria, Tasmania, Western Australia සහ Northern Territory යන ප්‍රාන්තවලට සඳුදා රජයේ නිවාඩු දිනයක් නොමැති බැවින් Victoria ජනතාවට මේ සති අන්තයේ දිගු නිවාඩුවක් නොවනු ඇති.

බොහෝ smart phones සහ computers වේලාව ස්වයංක්‍රීයව වෙනස් කරන නමුත්, wall clocks, watches, ovens සහ microwave වැනි උපකරණවල වේලාව අතින් වෙනස් කිරීමට සිදුවිය හැකියි.