ඩුබායි සිට Tel Aviv බලා ගමන් කළ flydubai  FZ1073 ගුවන් යානයේ සිදුවූ බරපතළ ආරක්ෂක සිදුවීම අතරතුර ඔස්ට්‍රේලියානු ජාතිකයන් දෙදෙනෙකු ද එහි සිට ඇති බව තහවුරු වී තිබෙනවා.

ඔවුන් සිඩ්නි නැගෙනහිර ප්‍රදේශයේ පදිංචි යුවළක් වන අතර, දෙදෙනාම ආරක්ෂිත බවයි ඔස්ට්‍රේලියානු විදේශ අමාත්‍ය පෙනී වොං සඳහන් කර ඇත්තේ.

ඊශ්‍රායල අගමැති බෙන්ජමින් නෙතන්යාහුගේ ප්‍රකාශයට අනුව, සහායක නියමුවා ප්‍රධාන නියමුවාට පිහි ප්‍රහාරයක් එල්ල කර ගුවන් යානය පහළට ගෙන යාමට උත්සාහ කර තිබෙනවා.

කෙසේ වෙතත්, තුවාල ලැබූ ප්‍රධාන නියමුවා නියමු කුටියේ දොර විවෘත කිරීමට සමත් වීමෙන් පසු මගීන් සහ කාර්ය මණ්ඩලය එක්ව සැකකරු පාලනය කර තිබෙනවා.

මගීන් 174 දෙනෙකු රැගත් ගුවන් යානය අවසානයේ සෞදි අරාබියේ Tabuk ගුවන් තොටුපළට ආරක්ෂිතව ගොඩබස්වනු ලැබුවා.

මේ අතර සිද්ධිය සම්බන්ධයෙන් නිල පරීක්ෂණයක් ක්‍රියාත්මක බවයි flydubai සමාගම පවසන්නේ.

ප්‍රහාරයට හේතුව තවමත් නිල වශයෙන් තහවුරු වී නොමැති අතර, සැකකරු සෞදි බලධාරීන් භාරයේ සිටින බව වාර්තා වනවා.