ඔස්ට්රේලියාවේ Support at Home වැඩසටහන යටතේ අනුමත පුද්ගලික සත්කාර සේවා සඳහා සහභාගිවන්නන්ගෙන් අය කරන ගාස්තු ඔක්තෝබර් 1 සිට ඉවත් කෙරෙනවා.
ඒ අනුව පිරිසිදු කිරීම, ඇඳුම් ඇඳීමට උදව් කිරීම, පුද්ගලික පිරිසිදුකම, ආහාර ගැනීම, මූත්රා-මල පාලන සත්කාර සහ ඖෂධ තමන් විසින් ගැනීමට සහාය වැනි අනුමත සේවා සඳහා වයෝවෘද්ධ පුද්ගලයින්ට තවදුරටත් තමන්ගෙන් දායක මුදලක් ගෙවීමට අවශ්ය නොවනු ඇති.
මෙම සේවා Independence කාණ්ඩයෙන් Clinical Supports කාණ්ඩයට මාරු කෙරෙන අතර, ඒ සඳහා රජය සම්පූර්ණ අරමුදල් සපයනවා.
කෙසේ වෙතත්, මෙම සහනය ලැබෙන්නේ පුද්ගලයා තම සත්කාර සැලැස්ම තුළ අදාළ සේවාව සඳහා අනුමත වී ඇති අතර, තම Support at Home අරමුදල තුළ ප්රමාණවත් මුදල් තිබේ නම් පමණයි.
ඔක්තෝබර් 1ට පෙර ලබාගත් සේවා සඳහා පවතින ගාස්තු තවමත් අදාළ වන අතර, එම බිල්පත් පසුව ඉදිරිපත් කළත් පරණ නියමයන් යටතේ ගෙවීම් සිදුවිය හැකියි.
රජය පවසන්නේ මෙම වෙනස වයෝවෘද්ධ පුද්ගලයින්ගේ ගෞරවය, පිරිසිදුකම සහ දෛනික ජීවන තත්ත්වය ආරක්ෂා කිරීම සඳහා ගෙන ඇති පියවරක් බවයි.
මෙය Support at Home වැඩසටහන භාවිතා කරන වයෝවෘද්ධ පුද්ගලයින් සහ ඔවුන්ගේ පවුල් සඳහා ඔක්තෝබර් 1 සිට සෘජුවම වියදම් අඩු කරන වැදගත් වෙනසක් බවට පත්වෙනවා.
