Alice Springs හි Charles Darwin University TAFE ආයතනයේ carpentry පාඨමාලාව ප්‍රමාද වීම හේතුවෙන් ඇතැම් apprenticesලාගේ සුදුසුකම් ලබාගැනීම වසරකින් පමණ ප්‍රමාද විය හැකි බව වාර්තා වෙනවා.

දෙවැනි වසරේ carpentry apprentice කෙනෙකු වන Lucas Nitschke පවසන්නේ මේ වසර අවසානය වනවිට පාඨමාලාව අවසන් කිරීමට බලාපොරොත්තුවෙන් සිටියත්, පුහුණු කාර්ය මණ්ඩල හිඟය නිසා ඔහුගේ ඉගෙනුම් කටයුතු සැලකිය යුතු ලෙස ප්‍රමාද වී ඇති බවයි.

ඔහුට අනුව සැප්තැම්බර් සිට ඔක්තෝබර් දක්වා පැවැත්වීමට තිබූ trade school තුන්වැනි අදියර ආරම්භ වීමට දින කිහිපයකට පෙර අවලංගු කර ඇති අතර, මේ වසරේ අවලංගු වූ දෙවැනි අදියර එය බව සඳහන් වෙනවා.

මෙම තත්ත්වය හේතුවෙන් තමන් දැනට අවම වශයෙන් මාස නවයක් පමණ පසුපසින් සිටින බවත්, තම වෘත්තීය ජීවිතයට මෙය සෘජුවම බලපාන බවත් Lucas පවසනවා.

CDU පවසන්නේ Alice Springs හි carpentry පාඨමාලා ප්‍රමාද වී ඇත්තේ සුදුසුකම් ලත් පුහුණුකරුවෙකු දීර්ඝ නිවාඩුවක සිටීම නිසා බවයි, නමුත් ABC වෙත ලැබුණු තොරතුරු අනුව අදාළ lecturer තනතුරෙන් ඉවත් වී ඇති බව සඳහන් වෙනවා.

Northern Territory පුරා සුදුසුකම් ලත් පුහුණුකරුවන් සොයාගැනීම අභියෝගයක් බව CDU සඳහන් කර ඇති අතර, බලපෑමට ලක්වූ සිසුන් සමඟ එක්ව ඔවුන්ගේ පාඨමාලා අවසන් කිරීමට ප්‍රායෝගික ක්‍රමයක් සොයාගන්නා බවද පවසා තිබෙනවා.

මේ අතර skilled workers හිඟය පිළිබඳ අවධානය වැඩිවෙමින් පවතින අවස්ථාවක, පුහුණුව ලබන trades apprenticesලාගේ පාඨමාලා ප්‍රමාද වීම ඔවුන්ගේ සුදුසුකම් සහ රැකියා ගමනට බලපාන ආකාරය ගැනත් අවධානය යොමුව තිබෙනවා.