ඔස්ට්‍රේලියාවේ ඉන්ධන මිල දැඩි ලෙස ඉහළ ගොස් ඇති පසුබිමක, Woolworths Everyday Rewards සාමාජිකයන්ට දැන් රටපුරා ඉන්ධන පිරවුම්හල් 1,000කට ආසන්න සංඛ්‍යාවකදී ලීටරයකට සෙන්ට් 4ක වට්ටමක් ලබාගත හැකි බව නිවේදනය කර තිබෙනවා.

Woolworths සහ Woolworths Metro වෙළෙඳසැල්වල ඩොලර් 30කට වැඩි මිලදී ගැනීමක් කර Everyday Rewards කාඩ්පත scan කළ විට මෙම fuel voucher එක ගිණුමට ලැබෙනවා.

මෙම වැඩසටහනට Ampol සමාගමට අයත් U-GO ඉන්ධන පිරවුම්හල් 45ක්ද එක්ව ඇති අතර, Ampol Foodary සහ EG Ampol ස්ථානවල ද වට්ටම භාවිතා කළ හැකියි.

ඔස්ට්‍රේලියාව තුළ Everyday Rewards ලියාපදිංචි සාමාජිකයන් මිලියන 14.5ක් පමණ සිටින අතර, සක්‍රීයව භාවිතා කරන පිරිස මිලියන 10කට ආසන්නයි.

පසුගිය මූල්‍ය වර්ෂයේදී මෙම fuel vouchers භාවිතයෙන් සාමාජිකයන් ඉන්ධන වියදම්වලින් ඩොලර් මිලියන 40කට ආසන්න මුදලක් ඉතිරි කර තිබෙනවා.

තාවකාලික fuel excise සහනය අවසන් වීමෙන් පසු unleaded petrol මිල රටපුරා දැඩි ලෙස ඉහළ ගොස් ඇති අතර, ප්‍රධාන නගරවල ලීටරයක මිල ඩොලර් 2.34ත් 2.38ත් අතර මට්ටමක පවතින බවයි වාර්තා වන්නේ.

කෙසේ වෙතත් wholesale fuel මිල පහළ යාමත් සමඟ ඉදිරි සතියේ regular unleaded මිල ලීටරයකට සෙන්ට් 230 මැද පරාසය දක්වා තරමක් පහළ යා හැකි බවට අපේක්ෂා පළවී තිබෙනවා.