ඔස්ට්‍රේලියාවේ උද්ධමන පීඩනය තවත් දැඩි වී ඇති අතර, මැදපෙරදිග යුද්ධය ඊට ප්‍රධාන බලපෑමක් කරන බව භාණ්ඩාගාරික Jim Chalmers පවසනවා.

ලෝක තෙල් මිල ඉහළ යාම හේතුවෙන් රට පුරා ඉන්ධන ඇතුළු භාණ්ඩ හා සේවා මිල ගණන් ඉහළ යමින් ඇති බව ඔහු සඳහන් කළා.

Reserve Bank ප්‍රකාශය ද මෙම තත්ත්වය පැහැදිලි කරන බවත්, යුද්ධය උද්ධමනයට ඇති එකම හේතුව නොවුණත් විශාල සාධකයක් බවත් Chalmers කියා සිටියා.

Reserve Bank අද ගත් තීරණය නිසා ණය ගෙවන පවුල්වලට සහ ජීවන වියදම් පීඩනයට මුහුණ දෙන ජනතාවට තවත් බරක් ඇතිවිය හැකි බව ද ඔහු පිළිගෙන තිබෙනවා.

මේ අතර රජය උද්ධමනය පාලනය කිරීමේ වගකීම භාරගෙන අයවැය වියදම් වගකීමෙන් කළමනාකරණය කරන බවයි Chalmers පවසන්නේ.

ඒ සමඟ බදු අඩු කිරීම්, Medicare සහ bulk billing වැඩිදියුණු කිරීම, වැටුප් ඉහළ නැංවීම සහ නිවාස වෙළෙඳපොළට සහන ලබාදීම වැනි පියවර ගන්නා බව ද ඔහු සඳහන් කළා.

හෙට නිකුත් වීමට නියමිත අගෝස්තු උද්ධමන දත්තවලදී ඉන්ධන මිල සහ මැදපෙරදිග ගැටුමේ බලපෑම පැහැදිලිව පෙනෙනු ඇතැයි ආර්ථික විද්‍යාඥයන් අපේක්ෂා කරනවා.