වික්ටෝරියා හි නිවාස මිලදී ගැනීමට බලාපොරොත්තු වන අයට බලපාන නව Auction නීති කිහිපයක් ලබන ඔක්තෝබර් 1 වැනිදා සිට ක්‍රියාත්මක වීමට නියමිතයි.

නව නීති යටතේ Auction එකක් පැවැත්වීමට පෙර දින හතක කාලය තුළ නිවසේ අවම විකිණුම් මිල හෙවත් Reserve Price සම්බන්ධයෙන් වෙනස්කම් සිදුකිරීම පිළිබඳ නව නීති ක්‍රියාත්මක වනවා.

එමෙන්ම එම දින හතක කාලය තුළ නිවසක් සඳහා ලැබෙන මිලදී ගැනීමේ යෝජනාවක් පිළිගැනීම සහ Auction එකට පෙර නිවස විකිණීම සම්බන්ධයෙන්ද නව නීතිමය අවශ්‍යතා හඳුන්වා දී තිබෙනවා.

මෙම වෙනස්කම්වල අරමුණ වන්නේ නිවසක් මිලදී ගැනීමට බලාපොරොත්තු වන පිරිසට Auction එකකට පෙර නිවසේ විකිණීමේ තොරතුරු සහ නීතිමය තත්ත්වය පිළිබඳව වැඩි පැහැදිලිකමක් ලබාදීමයි.

කෙසේ වෙතත් Real Estate Institute of Victoria පෙන්වා දෙන්නේ නව නීති ක්‍රියාත්මක කිරීමේදී Reserve Price වෙනස් කිරීම සහ Auction එකට පෙර ලැබෙන යෝජනා පිළිගැනීම සම්බන්ධයෙන් තවමත් පැහැදිලි කළ යුතු කරුණු කිහිපයක් පවතින බවයි.

ඒ නිසා ඔක්තෝබර් 1 වැනිදා සිට නිවසක් Auction එකකට ඉදිරිපත් කරන විකුණුම්කරුවන් මෙන්ම Auction එකකින් නිවසක් මිලදී ගැනීමට බලාපොරොත්තු වන පිරිසද නව නීති පිළිබඳව අවධානයෙන් සිටීම වැදගත් වනවා.

වික්ටෝරියා හි නිවාස මිලදී ගැනීමේදී Auction ක්‍රියාවලියට සෘජුවම සම්බන්ධ වන මෙම නීති වෙනස්කම් ඉදිරියේදී නිවාස විකිණීමේ සහ මිලදී ගැනීමේ ක්‍රමයටද බලපෑමක් කළ හැකි බවයි වාර්තා වෙන්නේ.