වික්ටෝරියා ප්‍රාන්තයේ 2026 Tree of the Year තරගයේ අවසන් වටයට ගස් 9ක් තේරී තිබෙන අතර, අද සිට ජනතාවට තමන් කැමති ගස වෙනුවෙන් vote කරන්න අවස්ථාව ලැබෙනවා.

National Trust Victoria විසින් සංවිධානය කරන මෙම තරගයට ඉදිරිපත් වූ ගස් අතර Maldon ප්‍රදේශයේ විශාල Bunya Pine ගසක්ද ඇතුළත්.

එම ගස වසර 500ක් පමණ ජීවත් විය හැකි Bunya Pine වර්ගයට අයත් වන අතර, වසර තුනකට වරක් විශාල ගෙඩි හටගැනීම එහි විශේෂත්වයක්.

ගස අයිති Kathy Whiteman පවසන්නේ, තමන්ගේ නිවස හඳුනාගැනීමට පාරේ සිටින අයටත් මේ විශාල ගස landmark එකක් වී ඇති බවයි.

එමෙන්ම Castlemaine Botanical Gardens හි Indian Bean Tree, Geelong Botanic Gardens හි Ginkgo ගස, Apollo Bay හි Myrtle Beech සහ Ballarat හි Canary Island Pine ද අවසන් වටයට එක්ව තිබෙනවා.

Melbourne ප්‍රදේශයෙන් South Yarra හි Golden Elm, Prahran හි Smooth-barked Apple Myrtle, Warburton හි Redwood Forest සහ Carlton North හි Flooded Gum ද තරගයට එක්ව සිටිනවා.

National Trust Victoria පවසන්නේ මෙවැනි පැරණි සහ විශාල ගස් විශේෂයෙන් නගර ප්‍රදේශවල නැවත වගා කිරීම අසීරු නිසා ඒවා ආරක්ෂා කිරීම ගැන ජනතාවගේ අවධානය යොමු කිරීම මෙම තරගයේ අරමුණක් බවයි.

ජනතා ඡන්දය මාසයක් පුරා පැවැත්වෙන අතර, 2026 Victorian Tree of the Year ජයග්‍රාහකයා ඔක්තෝබර් අගදී ප්‍රකාශයට පත් කිරීමට නියමිතයි.