ඔස්ට්‍රේලියානු රජය විසින් Migration Designated Areas 2026 නමින් නව නීතිමය උපකරණයක් හඳුන්වා දී ඇති අතර, ඒ අනුව Victoria ප්‍රාන්තයේ සම්පූර්ණ ප්‍රදේශයම designated area එකක් ලෙස නම් කර තිබෙනවා.

මෙම නව වෙනස අද සැප්තැම්බර් 21 වනදා සිට ක්‍රියාත්මක වන අතර, Victoria සමඟ South Australia, Tasmania, Australian Capital Territory සහ Northern Territory යන ප්‍රදේශ ද සම්පූර්ණයෙන් designated areas ලෙස නම් කර තිබෙනවා.

කෙසේ වෙතත් Victoria සම්පූර්ණයෙන් designated area එකක් ලෙස නම් කිරීමෙන් ප්‍රාන්තය සම්පූර්ණයෙන්ම regional area එකක් බවට පත්වූ බවක් අදහස් නොවන අතර, designated area සහ regional area යනු migration නීති යටතේ වෙනස් අර්ථයන් සහිත වර්ගීකරණ දෙකක්.

විශේෂයෙන් Melbourne ඇතුළු Victoria හි ප්‍රදේශ regional visa සඳහා සුදුසුද යන්න තීරණය වන්නේ අදාළ visa subclass එකට අදාළ regional area සහ postcode නීති අනුව වන අතර, මෙම නව වෙනස පමණක් පදනම් කරගෙන regional visa හෝ ස්ථිර පදිංචිය සඳහා ස්වයංක්‍රීය සුදුසුකමක් ලැබෙන්නේ නැහැ.

අදාළ visa මාර්ගය අනුව occupation, nomination, points සහ residence වැනි අනෙකුත් සුදුසුකම් ද සපුරාලිය යුතු අතර, applicant කෙනෙකු තමන් ජීවත් වන ප්‍රදේශය අදාළ visa එකේ regional definition එකට ඇතුළත්ද යන්න වෙනම පරීක්ෂා කළ යුතුයි.

මෙම නව instrument එක මගින් 2016 සිට ක්‍රියාත්මක වූ Designated Areas 2016/044 instrument එක ප්‍රතිස්ථාපනය කර ඇති අතර, New South Wales සහ Queensland සඳහා සම්පූර්ණ ප්‍රාන්ත වෙනුවට නියමිත postcode ප්‍රදේශ පමණක් designated areas ලෙස නම් කර තිබෙනවා.

මේ නව වෙනස Victoria හි සිටින migration applicants සඳහා ප්‍රායෝගිකව බලපාන්නේ කෙසේද යන්න සහ ඉදිරියේදී මේ සම්බන්ධයෙන් තවත් පැහැදිලි කිරීම් හෝ මාර්ගෝපදේශ නිකුත් වෙයිද යන්න පිළිබඳව ඉදිරියේදී වැඩිදුර තොරතුරු බලාපොරොත්තු විය හැකියි.