ඔස්ට්‍රේලියාවේ Early Childhood Education සහ Care සේවකයින් සඳහා 15%ක වැටුප් වැඩිවීම අඛණ්ඩව පවත්වාගෙන යාම සඳහා වූ නීති සම්පාදනය අද පාර්ලිමේන්තුවේදී සම්මත වුණා.

මෙම නව පනත් කෙටුම්පත හරහා Early Childhood Education සේවකයින්ගේ වැටුප් වැඩිවීම වෙනුවෙන් අතිරේක ඩොලර් බිලියන 3.6ක අරමුදලක් වෙන් කර ඇති අතර, එම ප්‍රතිලාභ ලබා ගැනීම සඳහා ළමා ආරක්ෂණ මධ්‍යස්ථාන ජාතික ආරක්ෂක ප්‍රමිතීන්ට අනුකූල වීම නීතියක් ලෙස අනිවාර්ය කර තිබෙනවා.

මීට පෙර ක්‍රියාත්මක කළ මෙම වැටුප් වැඩිවීමේ වැඩපිළිවෙළ හේතුවෙන් ක්ෂේත්‍රයට අලුතින් සේවකයින් 20,000කට වැඩි පිරිසක් එක්වී ඇති අතර, පුරප්පාඩු සැලකිය යුතු ලෙස පහත වැටී ඇති බවයි රජය පෙන්වා දෙන්නේ.

මෙමඟින් full-time early educator කෙනෙකුගේ සතිපතා ආදායම ඩොලර් 255කින් සහ ගුරුවරුන්ගේ ආදායම ඩොලර් 410කින් පමණ ඉහළ ගොස් තිබෙනවා.

මේ අතර Funding ලබාගන්න ළමා සුරැකුම් සේවා විසින් දෙමාපියන්ගෙන් අය කරන ගාස්තු වැඩි කිරීම සීමා කිරීමට ද කොන්දේසි පනවා තිබෙනවා.

එමෙන්ම 2027 ජූලි සිට ජාතික ආරක්ෂක ප්‍රමිතීන්ට අනුකූල නොවන early learning servicesවල funding අඩු කිරීමට හෝ නවතා දැමීමට ද මෙමගින් හැකි වනවා.